Samfélagsmiðlar

Forsvarsmenn Marriott Edition við Hörpu vilja ekki tjá sig um skattabreytingarnar

reykjavik vetur

Eftir um tvö ár stendur til að opna 250 herbergja glæsihótel við Hörpu í eigu Marrriott Edition hótelkeðjunnar. Þar á bæ vilja menn hins vegar ekki ræða áhrif boðaðar tvöföldunar á virðisaukaskatti á gistingu. Eftir um tvö ár stendur til að opna 250 herbergja glæsihótel við Hörpu í eigu Marrriott Edition hótelkeðjunnar. Þar á bæ vilja menn hins vegar ekki ræða áhrif boðaðar tvöföldunar á virðisaukaskatti á gistingu.
Færsla á ferðaþjónustunni upp í efsta þrep virðisaukaskattskerfisins hefur mætt mikilli andstöðu meðal forsvarsmanna greinarinnar. Framkvæmdastjóri Íslandshótela segir, í viðtali við RÚV, að fyrirtækið muni fresta hóteluppbyggingu í höfuðborginni komi til þessara hækkana og hótelstjóri Reykjavík Marina telur að með tvöföldun virðisaukaskatts muni reksturinn þyngjast. Skammt frá Reykjavík Marina og væntanlegu hóteli Íslandshótela við Lækjargötu er grunnurinn að Marriott Edition, fimm stjörnu hótelinu sem opna á við Hörpu síðla næsta ár. Bandarískir talsmenn þess vilja hins vegar ekki tjá sig um hugsanleg áhrif skattabreytinganna á reksturinn hér á landi þegar Túristi fór þess á leit.  
En verði áformin um skattahækkanirnar að veruleika þá hækkar virðisaukaskattur á gistingu úr 11% í 24% næsta sumar og niður í 22,5% í ársbyrjun 2019. Í haust þrefaldast svo gistináttagjaldið sem er 100 krónur í dag.

Opna nýtt hótel 14. hvern klukkutíma

Marriott keðjan er sú stærsta í heimi og telur um 6 þúsund hótel og þar af eru fjögur kennd við Edition og eru þau öll 5 stjörnu og flokkast sem „Boutique“ gististaðir. Auk hótelsins í Reykjavík er unnið að opnun Edition á nokkrum öðrum stöðum í heiminum.
Vöxtur Marriott keðjunnar hefur verið mjög hraður og áforma forsvarsmenn fyrirtækisins að taka í notkun átján hundruð ný hótel á næstu 3 árum samkvæmt frétt Standby. Það lætur þá nærri að keðjan muni vígja nýjan gististað á 14 klukkutíma fresti næstu árin og þar á meðal sitt fyrsta útibú á Íslandi, nánar tiltekið við Hörpu í Reykjavík.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …