Samfélagsmiðlar

2000 Íslendingar til útlanda á dag

Nýliðinn júlí er næst stærsti ferðamánuðurinn frá upphafi þegar litið er til utanlandaferða Íslendinga. Landinn fer í fleiri ferðir á ári og vill búa á betri hótelum en áður.

flugvel john cobb

Það er ekkert lát á ferðagleði Íslendinga því í júlí flugu 62.483 íslenskir farþegar frá Keflavíkurflugvelli eða um tvö þúsund á hverjum degi. Aðeins einu sinni hafa þeir verið fleiri í einum mánuði og það var í júní í fyrra þegar landinn fjölmennti til Frakklands til að styðja karlalandsliðið í Evrópukeppninni í knattspyrnu. Íslensku farþegarnir voru litlu færri í júní síðastliðnum og apríl og maí komast einnig á lista yfir þá 10 mánuði sem Íslendingar hafa ferðast mest til útlanda eins og sjá má á grafinu hér fyrir neðan sem byggir á talningum Ferðamálastofu.

Biðja um betri hótel

Í júlí voru að jafnaði farnar um 100 áætlunarferðir á dag frá Flugstöð Leifs Eiríkssonar samkvæmt talningu Túrista og miðað við fjölda íslenskra farþega má segja að landinn hafi fyllt um níundu hverju farþegaþotu sem tók á loft frá Keflavíkurflugvelli í síðasta mánuði. Hlutfallið var álíka í júní og forsvarsmenn ferðaskrifstofanna eru sammála um að veðurfarið á fyrri helmingi sumars og sterk króna ýti undir ferðagleðina. Ferðamynstrið hefur líka breyst og Íslendingar fara orðið í fleiri ferðir segja þær Hugrún Hannesdóttir hjá Bændaferðum og Þórunn Reynisdóttir hjá Ferðaskrifstofu Íslands. Og fólk leyfir sér líka meira þegar það er á ferðinni og kýs betri hótel. „Í stað þess að spyrja, áttu eitthvað ódýrara þá er frekar spurt um eitthvað betra,“ segir Guðrún Sigurgeirsdóttir hjá Vita.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …