Samfélagsmiðlar

Ennþá hægt að bóka far með Airberlin frá Keflavíkurflugvelli

Stjórnendur Airberlin hafa aflýst ferðum félagsins um helgina en það er útlit fyrir að félagið ætli sér að snúa tilbaka á þriðjudag.

airberlin 860

Á fimmtudagskvöld var Airbus þota Airberlin kyrrsett á Keflavíkurflugvelli vegna skuldar félagsins við Isavia. Forsvarsmenn Airberlin telja kyrrsetninguna ólöglega og hafa aflýst flugi félagsins hingað til lands um helgina, það á til að mynda við um brottfarir félagsins héðan eftir miðnætti. Haft er eftir Guðna Sigurðssyni, upplýsingafulltrúa Isavia, á vef RÚV, að engin ástæða sé fyrir þýska flugfélagið að aflýsa flugi og að ekkert hafi verið gert til að koma í veg fyrir áframhaldandi flug félagsins til Íslands.

Það lítur hins vegar út fyrir að Airberlin ætli sér að fljúga milli Íslands og Berlínar í næstu viku því ennþá er hægt að bóka sæti í flug félagsins hingað annað kvöld og þar með brottförina frá Keflavíkurflugvelli aðfaranótt þriðjudags og heim aftur á fimmtudag. Kostar farmiðinn tæpar 37 þúsund krónur. Sömu daga eru líka í boði farmiðar héðan til Dusseldorf á rúmar 45 þúsund krónur. Síðustu ferðir Airberlin frá Keflavíkurflugvelli eru svo á áætlun skömmu eftir miðnætti þann 27. október til bæði Berlín og Dusseldorf og kostar stakt fargjald um 14 til 18 þúsund krónur. Fleiri ferðir eru hins vegar ekki í boði með Airberlin enda hefur fyrirtækið verið í greiðslustöðvun frá því í ágúst og mun að öllu óbreyttu leggja niður starfsemi nú í lok október.

Um mánaðarmótin hefur Icelandair svo flug til Berlínar og þar með verða áfram tvö flugfélög með áætlunarferðir héðan til þýsku höfuðborgarinnar því borgin hefur verið fastur liður í áætlun WOW air allt frá stofnun félagsins.

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …