Samfélagsmiðlar

Gripu tækifærið á Íslandi

Stærsta flugfélag heims hefur Íslandsflug frá Dallas í vor og mun því veita íslensku flugfélögunum samkeppni á þeirri flugleið.

Í september tilkynntu bæði forsvarsmenn WOW air og Icelandair að frá og með maí næstkomandi yrði bandaríska borgin Dallas í Texas hluti af leiðakerfi félaganna. Boeing þotur Icelandair munu fljúga til Fort-Worth flugvallarins fjórum sinnum í viku og Airbus þotur WOW air fara þangað þrisvar í viku. En nú ætla að stjórnendur American Airlines að bæta um bætur og bjóða upp á daglegar ferðir til Íslands frá Fort-Worth flughöfninni en þar er þetta stærsta flugfélag heims með höfuðstöðvar sínar.

Ross Feinstein, talsmaður American Airlines, vill ekkert segja hvort þetta fyrsta Íslandsflug félagsins hafi eitthvað með komu íslensku flugfélaganna til Dallas að gera. Í svari hans til Túrista segir aðeins að Reykjavík sé orðin mjög vinsæll ferðamannastaður, sérstaklega á sumrin, og frá Dallas flugvelli geti American Airlines boðið upp á framúrskarandi möguleika á tengiflugi. „Við erum alltaf að leita leiða til að geta flogið með viðskiptavini okkar þangað sem þeir vilja fara og þegar það gefst tækifæri á að bæta nýjum áfangastaða við stærsta leiðakerfi heims þá grípum við það.“

Jómfrúarferð American Airlines til Keflavíkurflugvallar á dagskrá 8. júní og sú síðasta verður farin í lok október.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …