Samfélagsmiðlar

Örfá hótelherbergi laus á nýársnótt

Það stefnir í mikinn fjölda ferðamanna hér á landi um áramót og vonandi hafa þeir flestir tryggt sér gistingu.

Canopy Reykjavík er eitt þeirra hótela sem er uppbókað á nýársnótt.

Stemningin á gamlárskvöld í Reykjavík er reglulega lofuð í heimspressunni og höfuðborgin ratar ósjaldan á lista yfir þá ferðamannastaði sem áhugaverðastir eru þetta síðasta kvöld ársins. Ásóknin í Íslandsferðir yfir áramót hefur því aukist ár frá ári og ekki er útlit fyrir breytingu þar á því samkvæmt hótelsíðunni Booking.com er nú þegar 97% af öllu gistirými í Reykjavík uppbókað á nýársnótt. Það er miklu hærra hlutfall en í höfuðborgum hinna Norðurlandanna en svipað og þekkist í öðrum borgum sem laða að sér fjölda ferðamanna í árslok, t.d. í Sydney, Ríó og Edinborg. Þeir sem ætla í áramótafagnað í New York, London eða París hafa úr meiru að moða.

Þó Booking.com sé eitt umsvifamesta hótelbókunarfyrirtæki í heimi þá gefur staðan á vef þess ekki fullkomna mynd af gistimarkaðnum í hverri borg fyrir sig. Hildur Ómarsdóttir, forstöðumaður markaðssviðs Icelandair hótelanna, staðfestir hins vegar að hótel innan keðjunnar séu sem fyrr mjög vel bókuð yfir áramótin. En innan keðjunnar eru Icelandair hótel í höfuðborginni og út á landsbyggðinni auk þess sem fyrirtækið á og rekur Canopy við Hverfisgötu og Nordica Hilton.

Þeir útlendingar sem kjósa heldur heimagistingu hafa heldur ekki mikið val því samkvæmt vef bandarísku gistimiðlunarinnar Airbnb er aðeins 2% af gistirýmum fyrirtækisins í Reykjavík á lausu yfir áramótin. Þar á meðal nokkrir bílar og tjaldvagnar en eins og komið hefur fram í fréttum hefur kuldakastið undanfarna daga komið illa við þá sem búa við þess háttar aðstæður.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …