Samfélagsmiðlar

Hátt í sex þúsund fundir haldnir í Laugardalshöll í dag

Ráðherra ferðamála og ferðamálastjóri heimsóttu Icelandair Mid-Atlantic ferðakaupstefnuna sem haldin er í 26. skipti.

Björgólfur Jóhannsson forstjóri Icelandair, Þórdís Kolbrún Reykfjörð Gylfadóttir, ferðamálaráðherra, Jón Ásbergsson framkvæmdastjóri Íslandsstofu, Skarphéðinn Berg Steinarsson, ferðamálastjóri  og Guðmundur Óskarsson, framkvæmdastjóri sölu og markaðssviðs Icelandair.

Tengslin milli íslenskra og erlendra ferðaþjónustufyrirtækja eru efld á ferðakaupstefnu Icelandair sem nú stendur yfir.  Í dag hittust kaupendur og seljendur á ferðaþjónustu í Laugardalshöll á hátt í sex þúsund fundum en hver þeirra stendur yfir í hálftíma. Af samtölum Túrista við fjölda þátttakenda að dæma þá skiluðu fundarhöldin oftar en ekki góðum árangri sem er væntanlega ástæða þess að fyrirtækjum á ferðakaupstefnunni fjölgar ár frá ári en þetta er í 26. skipti sem hún er haldin.

„Þessi kaupstefna er einn helsti vettvangur ferðaþjónustunnar til að mynda tengsl við samstarfsaðila og kynna vöru sína beint fyrir kaupendum hennar. Mikill árangur og vöxtur ferðaþjónustunnar undanfarin ár er ekki tilviljun, heldur byggir á því að hafa frumkvæði að því að skapa ný viðskiptatækifæri. Kröftug þátttaka innlendra og erlendra aðila á Icelandair Mid-Atlantic er þess vegna mjög ánægjuleg”, segir Guðmundur Óskarsson, framkvæmdastjóri sölu- og markaðssviðs Icelandair, í tilkynningu.

Ferðamálaráðherra ásamt ferðamálastjóra og forsvarsfólki atvinnugreinarinnar heimsóttu Laugardalshöllina í dag og heilsuðu upp sýnendur. Þeir komu þó ekki aðeins frá Íslandi heldur líka frá mörgum þeirra borga sem Icelandair flýgur til. Þannig voru mættir fulltrúar frá borgum eins og Cleveland og Dublin en Icelandair hefur flug til þessara tveggja borga í vor.

 

 

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …