Samfélagsmiðlar

Máttur „Ónáðið ekki“ skiltisins minnkar

Hótelgestir sem vilja fá að vera í friði geta ekki lengur stólað á að miði á hurðahúninum haldi hótelstarfsfólki frá.

Herbergisþernur eru árrisul stétt og því oftar en ekki komnar á ferðina löngu á undan gestunum. Sérstaklega þeim sem liggur ekki á og vilja sofa örlítið lengur. Sá hópur hefur hingað til geta sett skilti á hurðahúninn sem á stendur „Do not disturb“ eða „Ónáðið ekki“ og þannig getað komið í veg fyrir að inn á gólfi hjá þeim birtist hótelstarfsmaður. En það þekkist að sumir láti þessi skilti hanga á hurðinni svo dögum skiptir og það gerði einmitt gestur á Mandalay Bay hótelinu í Las Vegas í október í fyrra á meðan hann undirbjó skotárás á tónleikagesti fyrir utan hótelið. Í henni létust 58 og nærri 900 særðust.

Í kjölfarið breyttu nokkrar hótelkeðjur vestanhafs reglum sínum varðandi hurðaskiltin og nú er víða gerð krafa um að gestirnir hleypi hótelstarfsfólki inn til sín að minnsta kosti einu sinni á sólarhring. Í frétt CNN kemur reyndar fram að löngu áður en hið hræðilega fjöldamorð átti sér stað í Las Vegas þá hafi það lengi verið rætt innan hótelgeirans að skiltin væru misnotuð í tenglsum við vændi, mannsal og eiturlyfjasölu.

Það flækir hins vegar málið að síðustu ár hafa einhverjar hótelkeðjur tekið upp á því að bjóða gestum afslátt eða gjafakort gegn því að þeir sjái sjálfir um að skipta á rúmum eða hafni alfarið allri herbergisþjónustu. Og þeir sem kjósa þann kost eiga að hengja skilti á hurðina sem á stendur „Do not disturb“.

Það er því ekki útilokað að þrátt fyrir allt geti hótelgestir áfram haldið áfram að tryggja sér frið í morgunsárið með því að hengja miða á hurðina en í staðinn þurfa þeir þá kannski að sjá sjálfir um þrifin.

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …