Samfélagsmiðlar

Segir ferðamálastefnuna ekki komna ofan í skúffu

Beðið hefur verið eftir útspili norsku ríkisstjórnarinnar í málefnum ferðaþjónustunnar alltof of lengi að mati forsvarsfólks greinarinnar. Það mun þó vera alvanalegt að ríkisstjórnir þar í landi dragi lappirnar í þessum málaflokki.

oslo haust

Haustlitirnir í Noregi.

Nú er eitt ár liðið frá því að norska ríkisstjórnin kynnti stefnu sína í málefnum ferðaþjónustunnar en ennþá bólar ekkert á aðgerðum. Í samtali við norska Dagblaðið segir Kristin Krohn Devold, framkvæmdastjóri NHO Reiseliv, samtaka norsku ferðaþjónustunnar, að þolinmæði forsvarsfólks í greininni sé á þrotum. „Ég hef trú á því að við höfum fengið öflugan ráðherra sem geti komið hlutum í verk en hvað varð um öll loforðin sem sett voru fram í ferðamálastefnunni,“ spyr Devold sem sjálf var varnarmálaráðherra í Noregi á árunum 2001-2005.

Í ferðastefnu norsku ríkisstjórnarinnar var m.a. rætt um að lækka eignaskatt á gististaðaeigendur og efla rannsóknir greinarinnar, t.d með hliðsjón af umsvifum Airbnb. Einnig er á stefnuskránni að auðvelda ferðafólki að komast á milli staða í Noregi án þess að ferðast um í einkabíl.

Í frétt norska Dagblaðsins er bent á að síðustu áratugi hafa hinar ýmsu ríkisstjórnir í Noregi kynnt alls kyns stefnur fyrir ferðaþjónustu landsins en flestar þeirra hafi endað ofan í skúffu.

Torbjørn Røe Isaksen, viðskiptaráðherra, sem fer fyrir ferðamálunum í stjórninni, segir að það muni hins vegar ekki gerast á sinni vakt. Hann bendir á að nú þegar séu mörg verkefni í vinnslu, til að mynda frumvarp sem skyldi Airbnb til að upplýsa skattayfirvöld um umsvif sín.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …