Samfélagsmiðlar

Óljóst með framhald á flugi til Tel Aviv

Það er ekki víst að þotur WOW air muni fljúga til Ísrael í vetur.

Frá Tel Aviv.

Það var um miðjan september í fyrra sem WOW air fór jómfrúarferð sína til Ben Gurion flugvallar í Tel Aviv. Síðan þá hefur félagið flogið þangað fjórum sinnum í viku en samkvæmt frétt Viðskiptablaðsins gætu þessar ferðir lagst af í haust. Blaðið hefur það eftir Svanhvíti Friðriksdóttur, upplýsingafulltrúa WOW, að flugið hafa gengið vel en á móti komi að lendingargjöld á flugvellinum í Tel Aviv séu há og að flugið, sem tekur sjö klukkustundir, sé kostnaðarsamt.

Þess má geta að skandinavíska flugfélagið SAS lagði niður flug sitt til Tel Aviv fyrir tveimur árum síðan og ástæðan var sögð hár kostnaður enda eru gerðar strangar öryggiskröfur í flugi til og frá Ísrael.

Frá því að beinar flugsamöngur milli Íslands og Ísrael komust á þá hefur hótelnóttum ísraelskra ferðamanna hér á landi fjölgað um 38 prósent. Voru þær rúmlega sjö þúsund í vetur sem er aukning um tvö þúsund gistinætur frá þarsíðasta vetri samkvæmt talningu Hagstofunnar.

Eins og staðan er núna er aðeins hægt að bóka flug með WOW til þessarar næst ísraelsku borgarinnar fram í lok október en þá lýkur sumaráætluninni formlega.

 

Nýtt efni

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …

Sjö af þeim níu þotum sem voru í flota Wow air undir það síðasta voru í eigu flugvélaleigunnar Air Lease Corporation (ALC). Ein þeirra var kyrrsett á Keflavíkurflugvelli í kjölfar gjaldþrots flugfélagsins þann 28. mars árið 2019 en í takt við samkomulag Wow Air og Isavia var ávallt ein þota félagsins eftir á Keflavíkurflugvelli sem …