Samfélagsmiðlar

10 flug í viku til Alicante

Það verða sæti fyrir hátt í 8 þúsund farþega í mánuði í þotunum sem fljúga héðan til spænsku borgarinnar næsta sumar.

Frá Alicante.

Strandstaðirnir við Costa Blanca hafa lengi laðað til sín sólþyrsta Íslendinga og ferðalagið um þennan vinsæla hluta Spánar hefst oftar en ekki á flugvellinum í Alicante. Þaðan er nefnilega stutt til Benidorm, Calpe, Albir og óteljandi fleiri ferðamannabæja. Kylfingar sækja líka í svæðið og stækkandi hópur Íslendingar hefur þar vetursetu enda flogið þangað frá Keflavíkurflugvelli allt árið um kring.

Það er hins vegar á sumrin sem fjöldi flugferða nær hámarki og nú stefnir í tíu vikulegar ferðir frá vori og fram á haust. Þetta er viðbót um eina brottför frá síðasta sumri sem þýðir að það verða verða sæti fyrir hátt í átta þúsund manns í þotunum sem munu fljúga héðan til Alicante í hverju mánuði.

Það er WOW air sem er umsvifamest í fluginu til Costa Blanca með fjórar brottfarir í viku og Gaman ferðir, systurfélag WOW air, nýtir hluta af sætunum um borð fyrir sína farþega. Vita og Úrval Útsýn sameinast um leiguflug Icelandair til Alicante sem verður tvisvar í viku. Heimsferðir verða með jafn margar ferðir á eigin vegum en síðustu ár hefur ferðaskrifstofan notið góðs af flugi systurfélagsins Primera air til Spánar en það flugfélag varð gjaldþrota í haust.

Heimsferðir hafa því gengið frá samningum við tékkneska flugfélagið Travelservice um leiguflug á næsta ári. Að sögn Tómasar J. Gestssonar, forstjóra Heimsferða, þá er hluti af sætunum frátekinn fyrir minni ferðaskrifstofur en megnið er í sölu hjá Heimsferðum. Úrval-Útsýn keypti áður hluta af sínum sætum til Alicante hjá Primera air en mun í sumar fljúga farþegum sínum til Spánar með Icelandair, sem fyrr segir, en líka með Norwegian sem flýgur tvisvar í viku frá Alicante til Íslands alla mánuði ársins.

 

Nýtt efni

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …