Samfélagsmiðlar

Farþegum fækkar um tíund

Áframhaldandi samdráttur á flugvöllum landsins en hlutfallslega minnstur á Akureyri sem skrifast að nokkru leyti á nýtt Bretlandsflug.

Nú í desember hefur breska ferðaskrifstofan Super Break boðið upp á Íslandsflug frá Bretlandi sem mun þá hafa jákvæð áhrif á farþegatölur fyrir norðan þó þar sem ekki um að ræða farþega í innanlandsflugi.

Rétt um 56 þúsund farþegar flugu til og frá innanlandsflugvöllum landsins í nóvember. Þetta er ríflega sex þúsund færri farþegar en á sama tíma í fyrra og nemur samdrátturinn 10,3 prósentum samkvæmt nýjum tölum Isavia. Upplýsingagjöf Isavia takmarkast við þrjá stærstu innanlandsflugvellina og þeir minni eru settir í einn hóp. Og þar er samdrátturinn hlutfallslega mestur eða um 18 prósent eins og sjá má á töflunni hér fyrir neðan.

Líkt og Túristi hefur áður greint frá þá hefur farþegum á innanlandsflugvöllunum fækkað umtalsvert í ár eða um fimm af hundraði nú þegar aðeins desember er ótalinn. Það jafngildir því að á hverjum degi hafi um 110 færri farþegar flogið innanlands í ár í samanburði við síðasta ár. Hafa ber í huga að í tölum Isavia eru allir farþegar sem fara um innanlandsflugvellina taldir. Líka þeir sem nýttu sér alþjóðaflug, einkaflug og eins farþegar í útsýnisflugi.

Farþegar sem fljúga beint milli Akureyrar og Keflavíkurflugvallar með Air Iceland Connect eru líka inn í tölunum en fyrir norðan fækkaði farþegum hlutfallslega minnst í nóvember.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …