Samfélagsmiðlar

Flýgur frá Keflavíkurflugvelli í kvöld og lendir í Katowice á nýju ári

Það verða farnar 36 áætlunarferðir héðan til útlanda í dag og sú síðasta verður í loftinu þegar árið 2019 gengur í garð.

Þota á vegum Wizz air.

Í dag, gamlársdag, munu ófáir fara um Flugstöð Leifs Eiríkssonar því á dagskrá eru 56 komur og 36 brottfarir. Og í ljósi þess hve vinsæll áfangastaður Ísland er orðinn yfir hátíðarnar má gera ráð fyrir að bróðurpartur farþeganna verði erlendir ferðamenn. Jóladagur og nýársdagur eru til að mynda tveir af stærstu dögum ársins í Bláa lóninu ár hvert sem segir sína sögu um ásóknina í Íslandsferðir yfir hátíðarnar.

Þessi miklu straumur hingað til lands í dag gerir það líka að verkum að margir verða að standa vaktina og þar á meðal starfsmenn Keflavíkurflugvallar. Síðasta brottförin frá flugvellinum í kvöld er til að mynda ekki á dagskrá fyrr en tuttugu mínútur yfir níu í kvöld og er þar á ferðinni flug Wizz air til Katowice í Póllandi. Flugferðin þangað tekur um þrjá tíma og þar með lendir þotan ekki í pólsku borginni fyrr en rúmir tveir tímar eru liðnir af nýju árinu í Póllandi.

Og þeir sem vilja upplifa áramót í háloftunum geta fengið far með Wizz air til Póllands fyrir lítið því farmiðinn kostar aðeins um 70 evrur eða rúmar 9 þúsund íslenskar krónur.

 

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …