Samfélagsmiðlar

Fýluferð utanríkisráðherra á vegum WOW air

Guðlaugur Þór Þórðarson, utanríkisráðherra, var meðal farþega í jómfrúarferð WOW air til Indlands. Félagið ætlar hins vegar að hætta fluginu til Nýju Delí strax eftir áramót.

Guðlaugur Þór Þórðarson í Indlandi.

Nú er vika liðin frá því að breiðþota WOW air tók á loft frá Keflavíkurflugvelli og hélt áleiðis til Nýju Delí. Skúli Mogensen, forstjóri og eigandi WOW air, var ekki um borð í þessari fyrstu áætlunarferð flugfélagsins til Indlands. Þar var hins vegar Guðlaugur Þór Þórðarson, utanríkisráðherra, sem hélt þangað ásamt hátt í fimmtíu manna viðskiptasendinefnd í tilefni af samgöngubótinni.

„Indland er annað fjölmennasta ríki heims og ört stækkandi hagkerfi. Beint áætlunarflug milli landanna opnar ýmsa möguleika á sviði ferðaþjónustu og annarra viðskipta,“ sagði Guðlaugur Þór eftir fund sinn með ferðamálaráðherra Indlands. Þar ræddu ráðherrarnir aukin umsvif í ferðaþjónustu sem viðbúið var að myndu aukast enn frekar með beinu flugi eins og segir í frétt á vef utanríkisráðuneytisins.

Í dag tilkynnti WOW air hins vegar að flugleiðin til Nýju Delí yrði lögð niður strax 20. janúar eða rúmum sex vikum eftir opinbera heimsókn íslenska utanríkisráðherrans. Ráðherra ætti þó að komast heim á ný með WOW air.

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …