Samfélagsmiðlar

Hangikjöt má fara í handfarangur

Þeir sem ætla að taka hús á ættingjum og vinum í útlöndum um jólin og færa þeim um leið íslenskan jólamat ættu að komast í gegnum vopnaleitina með veislu í farangrinum.

kef taska 860

Þó mælst sé til að hangikjöt fari frekar í innritaðar töskur þá sleppur að taka kjötið með í handfarangri.

Mikill meirihluti þjóðarinnar borðar hangikjöt á jóladag en þessi séríslenski réttur er hvergi fáanlegur í erlendum kjörbúðum. Íslendingar sem búsettir eru í útlöndum verða því að treysta á sendingu að heiman ætli þeir sér að halda í hefðina. Það er því óhætt að fullyrða að þónokkur hluti af þeim íslensku farþegum sem flýgur frá Keflavíkurflugvelli á næstunni tekur með sér hangikjötslæri til að færa vinum og ættingjum í útlöndum.

Og þeir sem það gera þurfa ekki endilega að bæta innrituðum töskum við fargjaldið. Því samkvæmt upplýsingum frá Isavia þá er hangikjöt og annað kjötmeti ekki á lista yfir bannaða hluti handfarangri. Farþegum hefur þó verið ráðlagt að setja hangikjöt frekar í lestarfarangur þar sem það geti verið auðveldara og þægilegra.

Það er þó ekki bara hangikjöt sem Íslendingar taka með sér í utanlandsferðir á þessum tima árs því talsvert er um að landinn pakki líka niður saltfisk og skötu fyrir jólaferðina. Mælst til að þess háttar fari í innritaðar töskur frekar en handfarangur.

Við þetta má svo bæta að tollareglur í hverju landi fyrir sig geta verið mismunandi hvað varðar innflutning á kjöti. Þeir sem vilja vera alveg öruggir með að koma íslensku kræsingunum alla leið upp á veisluborð í útlöndum ganga þá úr skugga um að tollverðir í útlöndum geri matinn ekki upptækan.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …