Samfélagsmiðlar

Misræmi í tölum WOW air

Í tilkynningu sem flugfélagið sendi frá sér í dag segir að farþegum hafi fjölgað um 0,5% í nóvember. Miðað við upplýsinga frá félaginu í fyrra þá var hins vegar samdráttur. Skýringin liggur í rangri upplýsingagjöf í fyrra.

wow radir

„WOW air flutti 197 þúsund farþega til og frá land­inu í nóvember eða um 0,5% fleiri farþega en í nóvember árið 2017.“ Þannig hefst fréttatilkynning sem sem var fjölmiðlum í hádeginu. Þessi hlutfallslega aukning stenst hins vegar ekki miðað við tölur sem WOW air gaf upp í nóvember í fyrra. Þá sagði í tilkynningu að 224 þúsund farþegar hefðu nýtt sér ferðir félagsins. Miðað við þessa tölu þá hefur samdrátturinn í síðasta mánuði numið 12 prósentum.

Aðspurð um þetta misræmi segir Svanhvít Friðriksdóttir, upplýsingafulltrúi WOW air, að tölurnar í fyrra hafi verið rangar og hún hafi leiðrétt þær við fjölmiðla á sínum tíma. Túristi finnur ekki þess háttar leiðréttingu í sínum bókum og miðað við fréttir Mbl og Viðskiptablaðsins, af farþegafjölda WOW air í nóvember í fyrra, þá hefur leiðréttingin ekki heldur skilað sér til þeirra fjölmiðla.

Svanhvít ítrekar þó að tölurnar sem gefnar voru upp í hádeginu í dag séu réttar. Það þýðir að farþegar WOW í nóvember í fyrra voru um 196 þúsund en ekki 224 þúsund.

Viðbót: Í kynningu á skuldabréfaútboði WOW air nú í haust kemur fram að farþegafjöldinn í nóvember 2017 hafi numið 193 þúsundum. Ef sú tala er rétt þá hefur farþegum WOW fjölgað um 2% í síðasta nóvember en ekki 0,5% eins og segir í fyrrnefndri tilkynningu frá WOW. 

 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …