Samfélagsmiðlar

Skoða fleiri ferðir til Grænhöfðaeyja

Íslensku ferðafólki á Grænhöfðeyjum gæti fjölgað umtalsvert næsta vetur.

Frá Grænhöfðaeyjum en þangað setur Vita stefnuna á ný í haust og vetur.

„Ég tel að Grænhöfðaeyjar geti orðið vinsæll áfangastaður á veturna fyrir þá sem vilja sól, hvítar strendur og prófa eitthvað alveg nýtt,“ segir Jakob Ómarsson, markaðsstjóri Vita. Á eyjunum er núna staddur hópur á vegum ferðaskrifstofunnar sem nýtti sér fyrsta beina flugið þangað sem seldist upp á aðeins örfáum vikum. Jakob segir að sala á næstu brottförum sé ekki hafin en verið sé að skoða ferðir í haust og svo næsta vetur.

Vetrarferðir til Grænhöfðaeyja (e. Cabo Verde) hafa lengi verið á boðstólum hjá skandinavískum ferðaskrifstofum á meðan úrvalið hjá þeim íslensku hefur einskorðast við Kanaíreyjar. Munurinn á veðurfarinu á þessum tveimur eyjaklösum er þó lítill en helst sá að það rignir almennt minni á Grænhöfðaeyjum að sögn Jakobs. Verðlagið þar getur líka verið hagstæðara en á Kanarí og Tenerife þó munurinn sé ekki mikill.

Það tekur um 7 klukkutíma og 20 mínútur að fljúga héðan til Grænhöfðaeyja en fyrir utan gott veðurfar eru eyjarnar þekkar fyrir fallegar strendur og tæran sjó. Og Grænhöfðaeyjar eiga það sameiginlegt með okkur Íslendingum að tónlistarmenning þeirra hefur borið hróður íbúanna út um víða veröld. Þannig er tónlist söngkonunnar Ces­ária Évora mörgum Íslendingum kunn en hún hélt tónleika hér í tvígang í byrjun aldarinnar.

Nýtt efni

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …