Samfélagsmiðlar

Viðsemjandi Skúla valinn leiðtogi ársins

Hinn áttræði William Franke verður sæmdur virtum verðlaunum í fluggeiranum.

Þotur þeirra flugfélaga sem William Franke og Indigo Partners eiga stóran hlut í. WOW gæti orðið eitt þeirra áður en þessi mánuður er liðinn.

Síðustu 12 vikur hafa þeir William Franke, stjórnandi Indigo Partners, og Skúli Mogensen, eigandi WOW air, setið að samningaborði og rætt fyrirhugaða fjárfestingu þess fyrrnefnda í WOW air. Ef allt gengur eftir hyggst Franke leggja eins mikið fé og þörf er á til að koma WOW air á fætur á ný eftir taprekstur síðustu ára.

Bandaríkjamaðurinn William Franke er enginn nýgræðingur í því að taka til í rekstri flugfélaga og hefur auðgast á eign sinni í svokölluðum últra lággjaldaflugfélögum út um víða veröld. Og fyrir þessi störf sín verður Franke sæmdur nafnbótinni „Framúrskarandi leiðtogi ársins 2019″ þegar ein virtustu verðlaunin í fluggeiranum, ATW Airline Industry Award, verða afhent í New York þann 26. mars næstkomandi.

Þegar að því kemur þá verður WOW air, ef allt gengur upp, orðið eitt þeirra flugfélaga sem William Franke fer fyrir. Fresturinn sem hann og Skúli hafa til að ná saman um fjárfestinguna í WOW air rennur út eftir viku.

Burtséð frá áhuga Franke á fjárfestingu í WOW air þá þekkir hann ágætlega til Íslandsflugs í gegnum eignarhald sitt og stjórnarformennsku í Wizz Air. Þetta ungverska flugfélag er nefnilega eitt umsvifamesta erlenda flugfélagið á Keflavíkurflugvelli en Wizz air og WOW eiga einmitt fjólubláa einkennislitinn sameiginlegan.  Og svo gæti farið að Franke verði stjórnarformaður þeirra beggja áður en langt um líður, í krafi eignarhalds Indigo Partners, en enska orðið Indigo þýðir einmitt dimmfjólublár á íslensku.

Þess má geta á Wizz Air var valið lággjaldaflugfélag ársins hjá fagritinu CAPA árið 2016 og WOW air fékk verðlaunin í lok síðasta árs.

 

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …