Samfélagsmiðlar

Dýrara fyrir ferðatöskuna en farþegann

Hjá WOW air hefur verðskrá fyrir aukagjöld verið breytt og þar með er verðið á innrituðum farangri komið upp fyrir lægstu fargjöldin.

kef taska 860

Það er ekki ódýrt að fjlúga með ferðatösku á milli landa.

Ódýrustu farmiðarnir með WOW air til London kosta 4.999 krónur en verðið ríflega tvöfaldast ef farþeginn innritar farangur. Þá bætast nefnilega 5.399 krónur við á hvorri leið. Þetta töskugjald hefur hækkað um 900 krónur frá síðustu verðkönnun Túrista í nóvember sl. Ef hefðbundin handfarangurstaska nægir farþeganum þá rukkar WOW air 4.199 krónur fyrir þess háttar farangur á styttri leiðum. Ef ferðinni er hins vegar heitið til Tenerife, Tel Aviv eða Norður-Ameríku þá er kostar 6.599 krónur að taka 20 kílóa tösku með og 5.399 kr. fyrir handfarangurinn. Þessar upphæðir eiga aðeins við ef farangursheimild er bókuð um leið og gengið er frá farmiðapöntun. Annars er gjaldið hærra.

Aðspurð um þessar verðhækkanir þá segir Svanhvít Friðriksdóttir, upplýsingafulltrúi WOW, að um sé að ræða leiðréttingu vegna gengis. Bendir hún á að íslenska verðskráin hafi ekki verið uppfærð síðan gengi bandarísks dollara var í kringum 100 krónur. „Núverandi verðskrá miðast við gengið 120 kr. sem hefur verið raunstaðan undanfarna mánuði.“

WOW er langt frá því eina flugfélagið á Keflavíkurflugvelli sem rukkar aukalega fyrir innritaðar töskur en flugfélögin fara þó ólíkar leiðir í verðlagningu. Hjá British Airways og Delta er til að mynda ekki hægt að bóka farangur með ódýrustu farmiðunum. Og það virðist aldrei borga sig að bæta tösku við Economy Light fargjaldið hjá Icelandair því verðmunurinn á því og hefðbundnum farmiða, þar sem taska er innifalin, er vanalega minni en sem nemur töskugjaldinu (5280 kr. innan Evrópu og 6180 kr. til N-Ameríku).

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …