Samfélagsmiðlar

Kolefnisjafna nærri helming útblásturs

Arctic Adventures hefur skuldbundið sig til að gróðursetja tíu þúsund tré.

Reynir Kristinsson stjórnarformaður Kolviðar og Jón Þór Gunnarsson forstjóri Arctic Adventures.

Ferðaþjónustufyrirtækið Arctic Adventures hefur undirritað samning við kolefnissjóðinn Kolvið um gróðursetningu tíu þúsund trjáa í Kolviðarskógum og mun þar með kolefnisjafna um 46 prósent af útblæstri fyrirtækisins miðað við kolefnisbókhald ársins 2018. Er þetta liður í stærra verkefni sem miðar að því að auka sjálfbærni í ferðaþjónustu samkvæmt því sem segir í tilkynningu.

Kolviður er samstarfsverkefni Skógræktarfélags Íslands og Landverndar og er markmið Kolviðar að auka bindingu kolefnis í skógarvistkerfum í þeim tilgangi að draga úr styrk koldíoxíðs í andrúmslofti, að binda jarðveg og draga úr jarðvegseyðingu.

„Það er okkur mikil ánægja að Arctic Adventures ætlar nú að kolefnisjafna hluta af starfsemi sinni en forverar Arctic Adventures voru með þeim fyrstu til að kolefnisjafna eldsneytisnotkun bíla sinna. Samfélagsleg ábyrgð og gott samstarf við Kolvið hefur því fylgt starfseminni lengi,“ segir Reynir Kristinsson, stjórnarformaður Kolviðar, í tilkynningu.

Þar kemur einnig fram að Arctic Adventures hafi fjárfest í aukinni rafvæðingu bílaflota félagsins og býði tækifæris til að fjölga rafbílum fyrirtækisins enn frekar. „Önnur umhverfisverkefni sem Arctic Adventures stendur fyrir ásamt starfsmönnum sínum eru strandhreinsun, minnkun úrgangs, aukin endurvinnsla og fræðsla til ferðamanna um mikilvægi umhverfisverndar, bæði fyrir komuna til landsins og í ferðum með Arctic Adventures,“ að því segir í tilkynningu.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …