Samfélagsmiðlar

Vildu ekki grípa til kyrrsetningar vegna skuldabréfaútboðs

Í sumarlok íhuguðu stjórnendur Isavia að grípa til kyrrsetningar á flugvél WOW. Þeir töldu þó heppilegra að leyfa félaginu að fara í umtalað skuldabréfaútboð. Gangurinn í því var góður miðað við fyrstu fréttir. Forsætisráðherra taldi Isavia vera með tryggingar fyrir vanskilum WOW.

Úrskurður Héraðsdómur Reykjaness í deilu Isavia og flugvélaleigunnar Air Lease Corporation féll í dag. Orð dómsins hafa verið túlkuð sem ósigur fyrir Isavia en þrátt fyrir það segir Sveinbjörn Indriðason, starfandi forstjóri fyrirtækisins, að það þurfi ekki að vera niðurstaðan. Sigurbjörn er því ekki tilbúinn til að fullyrða að Isavia tapi langstærstum hluta af rúmlega tveggja milljarða kröfu sinni á WOW air.

Þegar Katrín Jakobsdóttir, forsætisráðherra, var spurð í fréttum Rúv út í skuld WOW við hið opinbera fyrirtæki, þremur dögum fyrir gjaldþrot flugfélagsins, þá fullyrti hún að Isavia væri með ákveðnar tryggingar fyrir skuldum WOW. „Hins vegar er það svo að við höfum sýnt félaginu skilning. Það hefur verið að ganga í gegnum erfiðleika,“ sagði Katrín en leiðrétti sig svo og sagði það vera Isavia sem sýnt hefði stöðu WOW skilning.

Túristi óskaði í fyrradag eftir upplýsingum frá upplýsingafulltrúa ríkisstjórnarinnar á því hvort skilja mætti þessi orð forsætisráðherra með þeim hætti að ráðamenn hefðu verið meðvitaðir um skuldasöfnun WOW hjá Isavia. Ekki hefur fengist svar við fyrirspurninni.

Í sjónvarpsviðtölum í kvöld sagði Sveinbjörn Indriðason, starfandi forstjóri Isavia og framkvæmdastjóri fjármálasviðs, að WOW hefði verið í vanskilum fyrri hluta síðasta árs og gert hefði verið ráð fyrir að félagið myndi gera upp skuldina um sumarið þegar lausafjárstaðan batnaði. Það hefði ekki gengið eftir og því hafi það verið til skoðunar að kyrrsetja flugvél WOW. Þá hafi verið að hefjast skuldabréfaútboð félagsins og stjórnendur Isavia mátu það svo að betra væri að leyfa WOW að fara í gegnum það ferli.

Vanskil jukust hins vegar hratt á þeim tíma því gera má ráð fyrir að reikningurinn sem Isavia sendi WOW, vegna notendagjalda í ágúst, hafi numið hátt í sex hundrað milljónum króna. Daginn áður en sá reikningur var gefinn út, þann 31. ágúst, birti Fréttablaðið hins vegar frétt með fyrirsögninni, „Skúli tryggt sér milljarða króna.“ Var þar vísað til skuldabréfaútboðs félagsins og fullyrti Skúli Mogensen, eigandi og forstjóri WOW, við Fréttablaðið að tekist hefði að fá breiðan hóp erlendra fagfjárfesta til þess að skrá sig fyrir stórum hluta útboðsins og stærð útgáfunnar yrði allt að 12 milljarðar króna. Á þessum tímapunkti var skuldin var Isavia um milljarður króna samkvæmt frétt Viðskiptablaðsins í dag en sem fyrr segir bættust um sex hundrað milljónir við upphæðina daginn eftir jákvæðu tíðindin í Fréttablaðinu.

Hálfum mánuði síðar lauk skuldabréfaútboðinu og nam útgáfan rétt rúmlega sex milljörðum króna. Til viðbótar átti að selja skuldabréf fyrir 1,2 milljarða króna. Nú liggur hins vegar fyrir að umtalsverður hluti útgáfunnar voru viðskiptakröfur sem breytt var í skuldabréf og þar með fékk WOW air ekki nægjanlega mikið inn af nýju lausafé. Það er svo líklegast meginskýringin á því að Skúli Mogensen leitaði til forsvarsmanna Icelandair strax um mánaðamótin október-nóvember.

Í framhaldinu var gengið frá kaupum Icelandair á WOW air en þó með fyrirvörum. Og þessi kaupsamningur varð til þess að stjórnendur Isavia sýndu WOW air áfram þolinmæði líkt og kom fram í máli Sigurbjörns, starfandi forstjóri Isavia og framkvæmdastjóra fjármálasviðs, í fréttum í kvöld. Icelandair rifti hins vegar kaupunum á keppinautnum undir lok nóvember og þá tóku við nærri fjögurra mánaða samningaviðræður við Indigo Partners sem jafnframt urðu til þess að stjórnendur Isavia ákváðu að bíða og vona. Á þeim tíma hækkaði skuldin við Isavia og nam hún um 2,1 milljarði þegar WOW varð gjaldþrota í lok mars.

Miðað við úrskurð héraðsdóms í dag þá stefnir í að Isavia fái rétt um fjögur prósent af þessari kröfu greidda. Sú upphæð hefði orðið hærri ef stjórnendur Isavia hefðu kyrrsett aðra flugvél en TF-GPA því sú var nýtt í verkefni í Karabíska hafinu í vetur og þar með var aðeins hægt að rekja lítinn hluta af heildarskuld WOW til þeirrar flugvélar. Deiluaðilar hafa ekki gefið út hvort úrskurði héraðsdóms í dag verði áfrýjað.

 

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …