Samfélagsmiðlar

Sala á utanlandsferðum góð þrátt fyrir gott veður

Ný farþegaspá Isavia gerir ráð fyrir að færri Íslendingar ferðist til útlanda í ár sem skrifast væntanlega á minna framboð á flugsætum. Hið ljúfa veður nú í sumarbyrjun virðist þó ekki hafa dregið úr eftirspurninni eftir ferðum út í heim.

grikkland strond Alex Blajan

Í sumarbyrjun í fyrra var talað um að landsmenn væru farnir að hamstra sólarlandaferðir enda var veðrið þá, sérstaklega suðvestanlands, ekki sumarlegt. Núna er annað upp á teningnum en eftirspurn eftir utanlandsferðum er engu að síður áfram mikil. „Salan er góð og erfitt að segja hvort gott eða slæmt sumarveður ýti frekar undir ferðalög til útlanda,” segir Þórunn Reynisdóttir, forstjóri Úrval-Útsýn, í samtali við Túrista. 

Stóri munurinn á stöðunni núna og fyrir ári síðan er hins vegar sá að nú er WOW air horfið af markaðnum og framboðið hefur því dregist saman. Það á til að mynda um beint flug til Tenerife og segir Þórunn að ferðaskrifstofan aðstoði fólki líka að finna hentug tengiflug til eyjunnar vinsælu. Hún bendir líka á að pakkaferðirnar til Kanarí séu oft hagstæðari en þegar farið er til Tenerife. „Þó sólin þar sé sú sama og á Tenerife,” bætir Þórunn við.

Að hennar mati er fólk jafnframt farið að leita meira eftir aðstoð við að skipuleggja ferðalög „Ég held að fólk sé að nota ferðaskrifstofur í auknum mæli og sækja í ráðgjöf fagfólks enda kosta ferðalög oft háar upphæðir. Og þegar margir eru að ferðast saman verður bókunarferlið flóknara. ” Hún bætir því við að það sé líka visst öryggisatriði að bóka í gegnum innlent fyrirtæki í stað þess að fara í gegnum erlenda sölusíðu sem erfitt getur verið að ná í ef eitthvað út af ber.

Með WOW air fór umtalsverður hluti af framboði á flugi frá landinu og segir Þórunn sjá að lausu sætunum til Evrópu hafi fækkað. „Við leggjum því áherslu á að fólk bóki í tíma og hugi að haustferðum fljótlega til að fá hagstæðari kjör.” Hún segir bókanir á vetrarferðum líka komnar á skrið. „Við erum komin með Kanarí, Tenerife og Alicante í sölu fram í mars á næsta ári. Það er nýtt hjá okkur að bjóða upp á Alicante yfir veturinn en sá staður er mjög spennandi kostur fyrir kylfinga á þessum tíma árs.“

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …