Samfélagsmiðlar

Icelandair gæti átt von á milljarðabótum frá Boeing

Stjórnendur bandaríska flugframleiðandans Boeing reikna með að borga viðskiptavinum sínum samtals um 610 milljarða í bætur vegna þeirra skakkafalla sem þeir hafa orðið fyrir vegna kyrrsetningar á MAX þotunum.

Fjórar af þeim níu Boeing MAX þotum sem fljúga áttu með farþega Icelandair í sumar.

Nú er rúmir fjórir mánuðir liðnir frá því að allar þotur af gerðinni Boeing MAX voru kyrrsettar eftir tvö mannskæð flugslys. Stjórnendur Boeing vonast nú til þess að þoturnar komist í lofið á ný á síðasta fjórðungi ársins en kyrrsetningin hefur reynst eigendum þotanna kostnaðarsöm. Flugfélög hafa þurft að fella niður fjölda ferða og leigja aðrar þotur, jafnvel með áhöfnum, til að brúa bilið sem ónýttu MAX flugvélarnar hafa valdið.

Boeing ætlar að bæta það tjón að einhverju leyti því samkvæmt yfirlýsingu frá fyrirtækinu í gær segir að um 4,9 milljarðar dollara fari í greiðslu skaðabóta til flugfélaga vegna ástandsins. Það jafngildir um 610 milljörðum króna sem á segja má að nemi um milljarði króna á hverja MAX þotu sem nú hefur verið framleidd. Áður en kom að kyrrsetningunni í mars þá hafði Boeing nefnilega afhent nærri fjögur hundruð þotur en síðan var hægt á framleiðslunni. Engu að síður má gera ráð fyrir að hátt í eitt hundrað MAX þotur standa nú tilbúnar við verksmiðjur Boeing. Fleiri bætast svo við næstu mánuði en samtals hafa verið pantaðar um fimm þúsund MAX þotur.

Þar af á Icelandair pöntuð sextán eintök og gerði núverandi sumaráætlun félagsins gerði ráð fyrir sjö Boeing MAX8 þotum og tveimur MAX9. Miðað við þá upphæð sem Boeing gerir ráð fyrir að greiða vegna ástandsins eins og það er í dag þá má gera ráð fyrir að Icelandair fái nokkra milljarða króna í bætur vegna stöðunnar. Stjórnendur félagsins hafa þó lítið gefið upp um mat sitt á tjóninu en starfsbræður þeirra hjá Norwegian hafa verið opinskáir hvað þetta varðar. Í kynningu á afkomu félagsins á öðrum ársfjórðungi kom til  að mynda fram að matið vegna kyrrsetningar MAX þotanna hefði kostað félagið um sex milljarða á tímabilinu og að tala myndi hátt í tvöfaldast það sem eftir lifir árs. Norwegian hafði fengið þrettán Boeing MAX þotur afhentar þegar flugbannið var sett á.

Flugslysin tvö sem kyrrsetning MAX þotanna byggir á kostuðu 346 manns lífið. Flugvélaframleiðandinn gera ráð fyrir að greiða aðstandendum þeirra bætur upp á samtals 100 milljón dollara eða nærri 12 og hálfan milljarð króna.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …