Samfélagsmiðlar

Icelandair skiptir um auglýsingastofu

Áratuga löngu samstarfi Icelandair og Íslensku auglýsingastofunnar er lokið. Hugmyndir að kynningarherferð í tengslum við endurkomu MAX þotanna voru ekki meðal þeirra verkefna sem flugfélagið lagði fyrir sérfræðinga þeirra auglýsingastofa sem buðu í viðskiptin.

Ein af Boeing MAX þotum Icelandair.

Icelandair er einn allra stærsti auglýsandi hér á landi og hefur því verið eftirsóttur viðskiptavinur meðal íslenskra auglýsingastofa. Flugfélagið hefur hins vegar haldið tryggð við Íslensku auglýsingastofuna í rúma þrjá áratugi og endurnýjuðu fyrirtækin síðast samning sinn snemma árs 2016. Undanfarið hefur Icelandair hins vegar leitað tilboða og hugmynda hjá fleirum auglýsingastofum og niðurstaðan er sú að markaðsfólk Icelandair hefur ákveðið að söðla um. „Já, eftir langt og farsælt samstarf við Íslensku ákváðum við að endurskoða þessi mál,“ segir Ásdís Ýr Pétursdóttir, upplýsingafulltrúi Icelandair, aðspurð um breytinguna. Og hún staðfestir að eftir nokkurra mánaða ferli hafi verið ákveðið að ganga til samninga við Hvíta húsið.

Gísli S. Brynjólfsson, sem tók við sem markaðsstjóri Icelandair í vor, var áður framkvæmdastjóri Hvíta hússins og einn af eigendum auglýsingastofunnar. Samkvæmt heimildum Túrista þá hafa viðskipti Icelandair við Íslensku auglýsingastofuna numið vel á annað hundrað milljónum á ári.

Gera má ráð fyrir að ein fyrsta kynningarherferð Hvíta hússins fyrir Icelandair snúist um að skapa traust farþega á hinum kyrrsettu MAX þotum félagsins. Ásdís segir þó að sérfræðingar auglýsingastofanna, sem buðu í viðskipti Icelandair, hafi ekki verið beðnir um hugmyndir varðandi endurkomu MAX þotanna. En núverandi flugáætlun Icelandair gerir ráð fyrir að þoturnar fari í loftið á ný í ársbyrjun.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …