Samfélagsmiðlar

Norwegian biður um greiðslufrest

Stjórnendur norska flugfélagsins ætla að bjóða lánardrottnum tryggingar í lendingarleyfum á Gatwick flugvelli gegn því að afborgunum á risalánum verði seinkað.

Norwegian flugfélagið þarf að standa skil á tug milljarða skuldum í lok þess ára og aftur á því næsta. Og segja má að norska fjölmiðlar fylgist grannt með því hvernig stjórnendum Norwegian gangi að safna fyrir uppgjörinu við lánardrottna. Nýverið seldi félagið hlut sinn í Norwegian bankanum en hagnaðurinn af þeirri sölu dugar ekki nema fyrir hluta af skuldinni og boðaðar sparnaðaraðgerðir brúa heldur ekki bilið. Í ofan á lag þá hefur MAX krísan kostað félagið skildinginn og það er sífelldur vandræðagangur á Dreamliner þotunum meðal annars vegna drátta á afhendingu hreyfla.

Af þessum sökum þá biðla nú stjórnendur Norwegian til lánardrottna og óska eftir greiðslufresti í skiptum fyrir tryggingar í lendingarleyfum flugfélagsins á Gatwick flugvelli. Samkvæmt óháðu mati sem Norwegian hefur látið gera þá er virði þessara leyfa um 38 milljarðar íslenskra króna. Verði þessu tilboði tekið af lánardrottnum þá fá stjórnendur Norwegian kærkomið andrými því eins og segir í tilkynningu frá félaginu nú í morgunsárið þá myndi greiðslufrestur tryggja góðan rekstur og bæta lausafjárstöðuna umtalsvert.

Sem fyrr segir er um að ræða tvö ólík lán. Fyrri skuldin er upp á 34 milljarða króna og er á gjalddaga nú í desember. Ef eigendur skuldabréfanna sættast á tilboðið sem lagt var fram nú í morgun þá verður uppgjörinu frestað fram í nóvember 2021. Í ágúst á næsta ári ber Norwegian svo að greiða upp 12 milljarða króna lán en stjórnendur flugfélagsins biðja nú um frest fram í febrúar árið 2022.

Norwegian er nokkuð stórtækt í Íslandsflugi og sérstaklega þegar kemur að ferðum héðan til Spánar. Í vetur mun félagið til að mynda halda úti áætlunarferðum frá Keflavíkurflugvelli til Tenerife, Barcelona, Las Palmas, Alicante og Madríd. Auk þess býður flugfélagið upp á reglulegar ferðir héðan til Ósló og Bergen.

 

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …