Samfélagsmiðlar

Icelandair reiknar með aðeins færri farþegum á næsta ári

Sætisframboð hjá Icelandair verður aukið í Evrópuflugi en dregst saman í ferðum vestur um haf.

Sumaráætlun Icelandair liggur nú að mestu fyrir og gert er ráð fyrir flugi til fjörutíu áfangastaða. Í tilkynningu segir að þar af sé einn nýr áfangastaður í Evrópu. Ekki kemur fram hvaða áfangastaður það er en telja verður líklega að forsvarsfólk Icelandair horfi til Barcelona eða jafnvel Rómarborgar. Sú fyrrnefnda var hluti af leiðakerfi Icelandair og framboð á flugi þangað hefur dregist saman yfir sumarmánuðina eftir fall WOW. Frá Rómarborg hefur Norwegian stóraukið flug til Bandaríkjanna og sú útrás hefur ósennilega farið framhjá forsvarsfólki Icelandair.

Samtals verða 5,1 milljón sæta í boði hjá Icelandair allt næsta ári og gert er ráð fyrir 4,2 milljónum farþega. Það er 150 þúsund fleiri farþegar en árið 2018 en líklega aðeins undir farþegafjöldanum í ár því fyrstu tíu mánuði ársins flugu 3,9 milljónir farþega með Icelandair og gera má ráð fyrir að um 550 til 650 þúsund farþegar bætist við í nóvember og desember.

Í tilkynningu segir að á næsta ári verði áfram meginárhersla lögð á farþega á leið til Íslands en vægi þeirra hefur aukist verulega í ár. Þannig hefur sá hópur farþega stækkað um fjórðung það sem af er ári.

Áætlunarflug til Evrópu verður aukið um tvo af hundraði og meðal annars með aukinni tíðni ferða til Kaupmannahafnar, Helsinki, Berlín, Zurich, Madríd and Mílanó. Aftur á  móti verður dregið úr ferðum til Parísar, Frankfurt og Hamburg.

Sætisframboð til Norður-Ameríku minnkar um 11 prósent frá árínu í ár og megin skýringin á því er sú að félagið leggur niður flug til San Francisco, Kansas City og Tampa eins og áður hefur komið fram. Í heildina dregst framboðið saman um nærri fimm af hundraði.

„Megináhersla okkar á næsta ári verður að bæta afkomu af leiðakerfi félagsins. Það verður forgangsverkefni hjá okkur að tryggja framboð á flugi til og frá Íslandi til að styðja við fjölgun ferðamanna til landsins. Þá munum við einbeita okkur að lykilmörkuðum okkar þar sem eftirspurn er mikil og staða félagsins sterk en draga úr tíðni á óarðbærum flugleiðum á móti. Allar áætlanir okkar miða að því að styrkja rekstrargrundvöll félagsins til framtíðar,“ segir Bogi Nils Bogason, forstjóri Icelandair, í tilkynningu.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …