Samfélagsmiðlar

Þrjú flugfélög með MAX í Íslandsflug

Icelandair er ekki eina flugfélagið sem flogið hefur Boeing MAX þotum til og frá Íslandi. Nýjustu fréttir herma kyrrsetningu þotanna verði aflétt á næstunni og þær gætu því verið farnar að flytja farþega í lok vetrar.

Farþegarými Boeing MAX þotu Air Canada.

Yfir aðalferðamannatímabilið fljúga þotur Air Canada til Íslands frá bæði Montreal og Toronto, tveimur fjölmennustu borgum Kanada. Sumarið 2018 nýtti kanadíska flugfélagið Boeing MAX þotur, sem þá voru splunkunýjar, í ferðirnar hingað en í þeim eru sæti fyrir 169 farþega. Til stóð að hafa sama háttinn á síðastliðið sumar en vegna kyrrsetningar MAX þotanna voru Airbus A319 flugvélar notaðar í staðinn. Í þeim eru aðeins sæti fyrir 136 farþega og þar með drógst sætaframboð Air Canada saman um 231 flugsæti í hverri viku. Það jafngildir um fimmtungi af framboðinu sumarið 2018.

Flugbannið sem sett var á MAX þoturnar olli ekki svona miklum samdrætti í áætlunarflugi Norwegian hingað til lands jafnvel þó félagið hafi notað þessar umtöluðu flugvélar í ferðir sínar hingað frá Skandinavíu. Ástæðan er sú að eldri gerðir af Boeing 737 voru notaðar í staðinn og sætafjöldinn breyttist því ekki sem nokkru nemur.

Næsta sumar gerir flugáætlun Air Canada á ný fyrir því að MAX þotur muni flytja farþega félagsins til Íslands samkvæmt bókunarvél flugfélagsins. Og gera má ráð fyrir að Norwegian nýtti þess háttar flugvélar líka í stakar ferðir hingað frá Ósló. Icelandair verður þar með ekki eina flugfélagið sem ferja mun farþega til og frá Keflavíkurflugvelli á næsta ári í MAX þotum.

Miðað við nýjustu fréttir þá gætu þoturnar komist í loftið í mars líkt og Icelandair og fleiri flugfélög gera ráð fyrir. Í tilkynningu frá Boeing í gær sagði að fyrirtækið ætti von á því að flugmálayfirvöld í Bandaríkjunum muni heimili fyrirtækinu að hefjast handa við að ferja tilbúnar flugvélar frá verksmiðjum sínum til viðskiptavina um miðjan næsta mánuði.

Algjör aflétting kyrrsetningarinnar gæti svo verið í höfn í janúar og þoturnar þá komnar í farþegaflug á ný í byrjun mars. Það er í takt við yfirlýsingar stjórnenda flugfélaganna Soutwest og American Airlines sem gáfu það út í síðustu viku að þeir reiknuðu fyrst með þotunum í áætlunarflug í lok fyrstu viku marsmánaðar.

Áform Icelandair gera ráð fyrir þessum þotum um miðjan mars en sumaráætlun flugfélaga hefst formlega í lok þess mánaðar.

Nú getur þú tekið þátt í að styrkja og efla útgáfu Túrista

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …