Samfélagsmiðlar

Bætur í formi afslátta af Boeing þotum

Stjórnendur Southwest flugfélagsins hafa samið við Boeing um hluta af þeim skaðabótum sem flugvélaframleiðandinn þarf að greiða vegna kyrrsetningar MAX þotanna.

Í flota bandaríska flugfélagsins Southwest eru 753 flugvélar og allar eru þær af gerðinni Boeing 737. Þar af eru 37 Boeing 737 MAX en samtals hefur félagið pantað hátt í þrjú hundruð þotur af þessari gerð. Ekkert flugfélag er eins stórtækt í kaupum á þessum umtöluðu þotum.

Stjórnendur Southwest gáfu það svo út í dag að nú hefði náðst samkomulag við Boeing um bætur vegna kyrrsetningar MAX þotanna. Í tilkynningu segir að bótaupphæðin sé trúnaðarmál en hún verður að hluta til gerð upp með afsláttum af þeim flugvélum sem þegar hafa verið pantaðar. Einnig gera stjórnendur Southwest ráð fyrir góðum kjörum af Boeing þotum í framtíðinni.

Það kemur ekki skýrt fram í fréttatilkynningu Southwest hvort Boeing hafi einnig greitt flugfélaginu fébætur. Aftur á móti segir í tilkynningu Southwest að stjórn félagsins hafi í kjölfar samkomulagsins heimilað að 125 milljónir dollara, sem samsvarar rúmum 15 milljörðum króna, renni til starfsmanna sem hlutdeild þeirra í hagnaði félagsins í ár.

Líkt og komið hefur fram hefur Icelandair tvívegis samið um bætur við Boeing en upphæð þeirra er trúnaðarmál. Hafa bæturnar verið bókfærðar að hluta til sem farþegatekjur og til lækkunar á kostnaði. Ekki hafa fengist upplýsingar um hvort Icelandair fái einnig afslætti af þeim þotum sem þegar hafa verið pantaðar af Boeing.

Icelandair hyggst kynna flotastefnu sína til næstu framtíðar í byrjun næsta árs og hefur Bogi Nils Bogason, forstjóri félagsins, sagt að til greina komi að skipta alfarið yfir í Airbus.

Nú getur þú tekið þátt í að styrkja og efla útgáfu Túrista

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …