Samfélagsmiðlar

Bestu flugfélögin á Keflavíkurflugvelli að mati farþega

Þegar horft er til þeirra einkunna sem farþegar hafa gefið flugfélögunum sem halda úti Íslandsflugi í sumar þá ber færeyska flugfélagið Atlantic Airways af.

Atlantic Airways flýgur reglulega héðan til höfuðstaðs Færeyja. Ekkert flugfélag á Keflavíkurflugvelli fær eins háa einkunn hjá notendum Tripadvisor og Skytrax.

Árlega veita netsíðurnar Tripadvisor og Skytrax verðlaun til þeirra flugfélaga sem besta umsögn hafa fengið meðal notenda vefjanna. Og til marks um vegsaukann þá gerir markaðsfólks flugfélaga vanalega töluvert úr því þegar félögin þeirra fá þessar viðurkenningar.

Ferðavefurinn Tripadvisor er þekktari af þessum tveimur og um árabil hafa flugfarþegar verið hvattir til að skrifa umsagnir um flugfélög á vefinn og gefa þeim einkunnir á bilinu 1 til 5. Nú er að finna mörg þúsund dóma um hvert og eitt flugfélag á Tripadvisor og til að mynda hátt í 8 þúsund um Icelandair. Er flugfélagið í dag með 3,5 af fimm mögulegum í meðaleinkunn.

Skytrax vefurinn er ekki eins vinsæll og Tripadvisor en engu að síður horfir ferðageirinn til þess sem þar er skrifað og dæmt. Einkunnagjöf Skytrax er á skalanum einn til tíu og er Icelandair með fimm í einkunn og byggir hún á tæplega sex hundrað umsögnum.

Íslenska flugfélagið er þó fjarri því eitt um flug til og frá landinu og hér fyrir neðan má sjá einkunnir allra þeirra flugfélaga sem munu halda úti áætlunarflugi til og frá Keflavíkurflugvelli í ár. Til að reikna út meðaltal þá er stjörnugjöf Tripadvisor varpað á sama skala og hjá Skytrax og svo tekið einfalt meðaltal.

Eins og sjá má þá ber Atlantic Airways höfuð og herðar yfir önnur félög en þetta færeyska flugfélag flýgur hingað frá Þórshöfn. Spænska lággjaldaflugfélagið Vueling er svo í neðsta sæti. Þess ber þó að geta að fjöldi dóma um Atlantic Airways er nokkru lægri en þekkist hjá hinum flugfélögunum sem er í takt við umsvif félagsins á heimsvísu. Þannig eru rétt um tvö hundruð umsagnir um Atlantic Airways hjá Tripadvisor.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …