Samfélagsmiðlar

Indigo Partners selja stærstan hlut sinn í Wizz Air

Bandaríska fjárfestingafélagið sem skoðaði lengi að kaupa stóran hlut af Skúla Mogensen í WOW air seldi í gær stóran hlut í Wizz Air. Helmingur söluverðsins dugar til að kaupa upp Icelandair Group.

wizz budapest

Reglur Evrópusambandins kveða á um að fjárfestar utan Evrópu mega í mesta lagi eiga 49 prósent hlut í evrópskum flugfélögum. Og þó Indigo Partners, með Bill Franke í fararbroddi, hafi aðeins átt um fimmtung af útgefnum bréfum í ungverska lággjaldaflugfélaginu Wizz Air þá hefur legið fyrir að hluturinn var í raun mun meiri.

Með eign sinni á breytanlegum skulda- og hlutabréfum í Wizz Air þá var talið að Franke og félagar hjá Indigo Partners ættu í raun ríflega helming í flugfélaginu sem er töluvert yfir fyrrnefndu hámarki ESB.

Forstjóri Wizz Air gaf það í skyn nýverið að þetta þyrfti að laga og í gær var komið að því Indigo Partners seldi bróðurpart bréfa sinna í flugfélaginu og heldur aðeins eftir 3,5 prósenta hlut. Kaupendur voru alls kyns fagfjárfestar og söluverðið nam um 81 milljarði króna samkvæmt Reuters. Til samanburðar er markaðsvirði Icelandair Group í dag rétt um helmingur af þeirri upphæð.

Áhrif Bill Franke og félaga verða þó áfram mikil innan Wizz Air í gegnum hin breytanlegu skulda- og hlutabréf. Ekki liggur þó fyrir hvort breytt staða hafa áhrif á stöðu Franke sem stjórnarformanns flugfélagsins. En til marks um hversu mikil völd  hans hafa verið þá er það Indigo Partners sjálft sem gert hefur risasamninga við Airbus um kaup á flugvélum. Þotunum sem svo dreift á þau flugfélög sem Indigo Partners eiga hlut í.

Þess má geta að reglur Evrópusambandsins, um að flugfélag innan álfunnar séu að meirihluta í eigu evrópskra aðila, gilda líka hér á landi. Ef af fjárfestingu Indigo Partners í WOW air hefði orðið þá hefði hún þurft að vera í samræmi við þessar reglur. Sama ætti þá að gilda um hið endurreista WOW air ef félagið mun þá sækja um íslenskt eða evrópskt flugrekstrarleyfi til að geta flogið til Evrópu frá Keflavíkurflugvelli.

VILTU STYÐJA VIÐ ÚTGÁFU TÚRISTA?

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …