Samfélagsmiðlar

Einkareknir flugvellir í verri stöðu

Bretar hafa gengið einna harðast fram í einkavæðingu flughafna. Nú segja eigendurnir aftur á móti að þeir gætu þurft að loka innan fárra vikna.

Frá Gatwick flugvelli í London.

Á meðan helstu flughafnir Bandaríkjanna eru allar nema ein í eigu hins opinbera þá hafa sum evrópsk ríki selt fjárfestum flugvellina sína. Sú þróun hefur reyndar verið sérstaklega gagnrýnd af forsvarsmönnum stærstu flugfélaga Evrópu sem bent hafa á að notendagjöld á flugvöllum álfunnar séu oftar en ekki hærri en vestahafs.

„Það hefur ekki verið til góðs að rekstur evrópskra flugvalla gangi út á að hámarka gróða fyrir lífeyrissjóði í Kaliforníu eða annars staðar út í heimi,” sagði Carsten Spohr, forstjóri Lufthansa Group, til að mynda á blaðamannafundi í hittifyrra. Og nú þegar fluggeirinn er í meiriháttar krísu þá finna einkareknu flugvellirnir sérstaklega fyrir því samkvæmt frétt viðskiptasíðunnar Quartz.

Þar er bent á að framlög frá eigendunum, hinu opinbera, auðveldi bandarísku flugvöllunum að komast í gegnum krísuna á meðan þeir einkareknu séu í annarri stöðu. Samtök flugvalla í Bretlandi, sem flestir eru hlutafélög, kalla nú eftir framlögum frá breskum yfirvöldum til að koma megi í veg fyrir að loka verði flugstöðvum innan fárra vikna.

Þrátt fyrir það neyðaróp þá er ekki útlit fyrir að breskir ráðamenn ætli í almennar aðgerðir gagnvart flugvöllunum eða flugfélögum. Þess í stað verður litið til aðstæðna hvers og eins fyrirtækis til að meta þörfina á opinberum stuðningi.

Flugvellir í ríkiseigu hafa þó einnig orðið að bregðast við aðstæðum. Þannig sagði Swedavia í Svíþjóð upp átta hundruð starfsmönnum í vikunni og lækkaði starfshlutfall nítján hundruð starfsamanna í viðbót. Stjórnendur Avinor í Noregi hafa gefið út að þar gæti þurft að grípa til niðurskurðar og segja upp starfsfólki. Rekstrarform Swedavia og Avinor er með svipuðum hætti og Isavia hér á landi. Allt eru þetta fyrirtæki í eigu hins opinbera sem sjá um rekstur flugvalla.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …