Samfélagsmiðlar

Þýskur auðmaður orðinn stærsti hluthafi Lufthansa

Gengið hlutabréfa í stærstu flugfélagasamsteypu Evrópu hefur fallið hratt síðustu vikur og nú hefur þýskur milljarðamæringur eignast tíu prósent hlut í félaginu. Til samanburðar er stærsti einstaklingur í hlutahafahópi Icelandair með 2,15 prósent.

Heinz Hermann Thiele, sjötti ríkasti Þjóðverjinn er nú orðinn stærsti hluthafinn í Lufthansa.

Lufthansa Group rekur ekki aðeins samnefnt þýskt flugfélag heldur líka Eurowings, SWISS, Austrian, Brussels airlines og nokkur minni félög. Engin önnur flugfélagasamsteypa í Evrópu er eins umsvifamikil.  Gengi hlutabréfa í Lufthansa Group, eins og í öðrum flugfélögum, hefur þó fallið hratt síðustu vikur í takt við að flugsamgöngur hafa nærri því lagst af tímabundið.

Þýski milljarðamæringurinn Heinz Hermann Thiele sér aftur á móti tækifæri í þessari verðlækkun og nú í mars hefur hann í nokkrum skrefum keypt samtals tíu prósent hlut í Lufthansa samkvæmt frétt Checkin.dk. Þar með er Thiele orðin stærsti hluthafinn í þýsku samsteypunni en hann hefur efnast gríðarlega í gegnum fyrirtæki sitt Knorr-Bremse sem framleiðir meðal annars bremsubúnað fyrir járnbrautalestar. Thiele er lýst sem mjög virkum fjárfesti sem hiki ekki við að láta skoðanir sínar í ljós.

Virði þessa tíu prósent hlutar Thiele í Lufthansa er í dag um 73 milljarðar króna en til samanburðar þá er heildarvirði Icelandair Group rétt um tuttugu milljarðar í dag. Í hlutahafahópi íslenska félagsins eru stærstu eigendurnir aftur á móti mismunandi sjóðir. Sá einstaklingur sem á flest bréf í Icelandair samteypunni er Högni Pétur Sigurðsson. Í eigin nafni og í gegnum eignarhaldsfélagið Naut­ica fer hann með 2,15 prósent hlut í félaginu.

Þess ber að geta að persónulegur hlutur Högna Péturs er ekki merktur honum á lista Icelandair Group yfir tuttugu stærstu hlutahafa félagsins. Í staðinn stendur aðeins „Einstaklingur“ við eign upp á 70 milljónir hluta en áður hefur komið fram að þar fari fyrrnefndur fjárfestir. Þessi hlutur hefur stækkað um fjórðung frá því í byrjun vetrar.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …