Samfélagsmiðlar

Gera hlé á nærri öllu Íslandsflugi

Nú hafa ferðatakmarkanir verið hertar víða í Evrópu og í takt við það dregur Wizz Air úr umsvifum sínum. Áætlunarflug félagsins hingað til lands er þar engin undantekning.

Þotur Wizz Air verða sjaldséðar við Leifsstöð næstu vikur.

Þotur hins ungverska Wizz Air fljúga alla jafna til Keflavíkurflugvallar frá ellefu evrópskum borgum. Næstu vikur mun félagið þó aðeins bjóða upp á Íslandsflug frá pólskum borgunum Varsjá og Gdansk auk ferða til Mílanó á Ítalíu. Reyndar verður gert hlé á ferðum til þeirrar ítölsku þann 24. október og þráðurinn tekinn upp í byrjun desember.

Á sama tíma gera stjórnendur Wizz Air ráð fyrir að hefja á ný flug til Íslands frá Vínarborg í Austurríki, Búdapest í Ungverjalandi, Riga í Lettlandi, Katowice í Póllandi og Luton flugvelli við Lundúnir, höfuðborg Bretlands.

Áætlunarferðirnar hingað frá Wroclaw í Póllandi og Dortmund í Þýskalandi hefjast fyrr eða 26. október. Flugið til pólsku borgarinnar Kraká er hins vegar ekki á dagskrá á ný fyrr en í vor.

Niðurskurðurinn hjá Wizz Air einskorðast alls ekki við flug til Íslands því félagið hefur dregið verulega úr allri áætlun sinni nú í haust. Stjórnendur Wizz Air hafa einnig gefið í skyn að vetrarprógrammið verði töluvert minna en lagt var upp með vegna aukinna ferðatakmarkanna í Evrópu.

Það gæti því farið svo að þotur Wizz Air byrji ekki að streyma til landsins á ný í byrjun desember eins og nú er gert ráð fyrir.

Nú er örstutt í að stór hluti þess efnis sem hér birtist verði aðeins aðgengilegt áskrifendum. Tekjur af auglýsingasölu duga einfaldlega ekki lengur til að halda úti metnaðarfullum skrifum um ferðalög og ferðaþjónustu.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …