Samfélagsmiðlar

Play tapaði 54,4 milljónum króna

Ársreikningur félagsins sem heldur utan um rekstur Play sýnir að hlutafé var aukið um fimmtíu milljónir króna í fyrra.

Launagreiðslur Fly Play ehf. námu samtals 95,6 milljónum króna í fyrra og stöðugildi voru sautján talsins. Annar rekstrarkostnaður nam tæplega 41 milljón króna. Tekjur félagsins voru hins vegar engar enda hófst farmiðasala Play ekki í lok nóvember í fyrra líkt og upphaflega var stefnt að.

Tap ársins hjá rekstrarfélagi Play var þó mun lægra en sem nemur launa- og rekstrarkostnaði eða 54,4 milljónir króna samkvæmt nýjum ársreikningi fyrirtækisins. Skýringin er sú að langstærsti hluti launa og lífeyrissjóðsgreiðslna Fly Play í fyrra er færður undir liðinn „eignfærður launakostnaður meðal óefnislegra eigna.“

Hlutafé Fly Play var aukið í fyrra um fimmtíu milljónir króna en áður var það aðeins hálf milljón kr. Eigandi Fly Play var Neo ehf. en eignarhaldið var fyrr á þessu ári flutt yfir í Fea ehf. sem er í eigu Elíasar Skúla Skúlasonar, stjórnarformanns Play. Eigið fé þessa nýja móðurfélags Play nam 2,1 milljón króna um síðustu áramót.

Í uppgjöri Fly Play fyrir árið 2019 er flugrekstrarleyfi Play bókfært á 96,6 milljónir króna undir óefnislegar eignir og vörumerki Play á 22,6 milljón kr. Í því samhengi má þess geta að Play hefur ekki fengið úthlutað flugrekstrarleyfi frá Samgöngustofu enda er forsenda fyrir þess háttar leyfi sú að félagið hafi flugvél til umráða. En vegna Covid-19 heimsfaraldursins þá bíða forsvarsmenn Play átekta með að hefja flugrekstur eins og áður hefur komið fram.

Viðskiptaskuldir Fly Play námu í árslok í fyrra 144,6 milljónum króna og þar af var skuldin við erlenda lánadrottna 89 milljónir kr.

Kæri lesendi, á næstu dögum verður Túrista læst að hluta. Þar með verður þorri greinanna sem hér birtast aðeins aðgengilegur áskrifendum. Þetta er sú leið sem fjöldi netmiðla út í heimi hefur farið og sérstaklega þeir sérhæfðu eins og Túristi sannarlega er. Tekjur af auglýsingasölu duga einfaldlega ekki lengur. Nánari upplýsingar um fyrirkomulagið verða birtar innan skamms.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …