Samfélagsmiðlar

Flugfélagið sem sjaldnast flýgur

Á flugvöllum út í heimi eru brottfarir Icelandair meðal þeirra örfáu sem merktar eru „cancelled" dag eftir dag. Önnur flugfélög beina jafnvel viðskiptavinum sínum til Icelandair haldandi að áætlun félagsins standist. Sem hún gerir þó sjaldnast.

Svona eru flug Icelandair merkt á evrópskum flugvöllum þessa dagana. Þrátt fyrir ástandið er það fátítt að ferðir séu felldar niður með eins stuttum fyrirvara og Icelandair gerir.

Þotur Icelandair ættu að fljúga sextíu og níu sinnum frá Íslandi í þessari viku samkvæmt tímabundinni flugáætlun félagsins. Í eðlilegu árferði hefðu ferðirnar verið miklu fleiri.

Þrátt fyrir samdráttinn þá stenst þessi uppfærða flugáætlun sjaldnast. Í dag hefur öllum ferðum Icelandair nema einni verið aflýst og nú fyrir hádegi voru nærri allar ferðir fimmtudagsins slegnar út af borðinu.

Svona hefur þetta verið hjá Icelandair í haust á meðan erlendu flugfélögin sem fljúga til Íslands gera breytingar með lengri fyrirvara og taka ferðirnar þá jafnframt úr sölu. Á heimsíðu SAS má til að mynda sjá uppfærða flugáætlun viku fram í tímann. Hún sýnir að ekkert verður af ferðum félagsins til Íslands frá Ósló og Kaupmannahöfn á því tímabili. Sömuleiðis hefur Wizz Air tekið út stóran hluta af Íslandsflugi sínu næstu vikur.

Icelandair heldur samt áfram að selja í sínar ferðir þó nánast engar líkur eru á að lagt verði í hann. Á heimasíðu félagsins er t.d. hægt að bóka flug í vikunni til New York, Parísar, Berlínar og Toronto þrátt fyrir að þotur Icelandair hafi ekki komið til þessara borga svo vikum skiptir.

Sú staðreynd að Icelandair fellir niður nærri allar flugferðir með aðeins tveggja sólarhringa fyrirvara setur líka svip á dagskrá fjölda erlendra flugvalla. Þar eru komur og brottfarir Icelandair oftar en ekki meðal þeirra fáu sem eru merktar „cancelled“. Þetta má sjá á heimasíðu flugvallanna í Frankfurt, Heathrow, Schiphol. Zurich, Ósló og fleiri flugvalla í dag.

Þessir starfhættir Icelandair rugla líka í ríminum flugfélög sem selja ferðir með Icelandair. Farþegi sem bókar flug með Finnair til Íslands í vikunni fær valkost um að bóka flug með finnska flugfélaginu til Stokkhólms og þaðan áfram með Icelandair. Bókunarvél Finnair veit ekki að það eru nánast engar líkur á að Icelandair fljúgi til sænsku borgarinnar í vikunni jafnvel þó ferðin sé til sölu. Á sama hátt mælir SAS með flugi Icelandair frá Ósló en íslenska félagið fellir niður allar ferðir sínar þangað.

Túristi hefur óskað skýringa á þessari stefnu frá Icelandair. Svarið verður birt þegar það fæst.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …