Norlandair fékk úthlutað áætlunarflugi fyrir Vegagerðina til Gjögurs, Bíldudals og Hafnar í Hornafirði í byrjun september. Þá niðurstöðu kærði Flugfélagið Ernir sem sinnt hefur þessum flugleiðum síðustu ár. Í kjölfarið var málið tekið upp á ný og nú liggur fyrir hvernig ferðunum verður háttað næstu þrjú ár.
Þrjú flugfélög buðu í áætlunarflug á vegum Vegagerðarinnar til Gjögurs,
Hornafjarðar og Bíldudals í sumarbyrjun. Flugfélag Austurlands bauð lægst en tilboð þess og Ernis þóttu ekki uppfylla skilyrði útboðsgagna. Því var Norlandair úthlutað flugleiðunum þremur.
Þá niðurstöður tilboðum Norlandair var tekið þar sem iggur loks fyrir niðurstaða í útboði Vegagerðarinnar á áætlunarflugi til Gjögurs, Bíldudals og Hafnar í Hornafirði en flug á að hefjast samkvæmt skilmálum útboðsins um mánaðamótin.
Forsvarsmenn Ernis kærðu þá niðurstöðu og nú liggur fyrir ný ákvörðum Ríkiskaupa og Vegagerðarinnar. Hún felur í sér að Norlandair var valið til að sinna fluginu frá Reykjavík til Gjögurs og Bíldudals en Ernir heldur áfram ferðunum til Hafnar í Hornafirði. Þetta kemur fram í tilkynningu frá Vegagerðinni.
Þar segir að tilboð flugfélaganna tveggja hafi verið hagstæðust í þær flugleiðir sem þeim var úthlutað.
Flug á að hefjast samkvæmt skilmálum útboðsins þann 1. nóvember þannig að óhætt er að segja að forsvarsmenn Ernis og Norlandair hafi skamman tíma til að hefja sölu á farmiðum.
