Samfélagsmiðlar

Fáir flugu með Icelandair til Boston en mun fleiri komu þaðan til Íslands

Yfirvöld hafa greitt Icelandair um tvær milljónir fyrir hverja ferð félagsins til Boston og heim aftur.

Frá Boston.

Samgöngu- og sveitarstjórnarráðuneytið gerði í upphafi heimsfaraldursins samning við Icelandair til að tryggja lágmarks flug til Evrópu og Bandaríkjanna. Ferðirnar vestur um haf takmörkuðust við flug til Boston og þangað hafa þotur Icelandair flogið eina til tvær ferðir í viku síðustu mánuði. Ekki aðeins með farþega heldur líka vörur.

Í farþegarýminu hafa þó fáir verið, alla vega á leiðinni út til Boston eins og sjá má á töflunni hér fyrir neðan.

Í apríl nýttu aðeins fjörutíu og þrír farþegar sér ferðirnar frá Keflavíkurflugvelli til Boston. Aftur á móti flaug 191 farþegi frá bandarísku borginni til Íslands.

Í þeim mánuði fóru þotur Icelandair átján ferðir til og frá Boston samkvæmt talningu Túrista. Að jafnaði hafa þá um fimm farþegar setið um borð á leiðinni vestur um haf en sextán á heimleiðinni.

Lausu sætunum fækkaði svo í júní en þá voru ferðirnar fjórtán og farþegahópurinn fór upp í 688 farþega. Þær tölur sem Túristi hefur fengið frá flugmálayfirvöldum í Boston ná ekki til seinni hluta ársins.

Sem fyrr segir hafa stjórnvöld styrkt áætlunarflug Icelandair til Boston og nam kostnaður ríkisins á tímabilinu 17. maí til 19. september nærri sextíu og sex milljónum króna samkvæmt upplýsingum frá samgönguráðuneytinu.

Á þessu fjögurra mánaða tímabili flaug Icelandair samtals sextíu og átta ferðir til og frá Boston. Kostnaður hins opinbera nam því tæpri einni milljón á hverja brottför.

Samningur ríkisins og Icelandair um flug til Bandaríkjanna rennur út í lok þessa mánaðar. Þess ber að geta að ekki hafa fengist upplýsingar um kostnað ríkisins af fluginu til Bostong frá byrjun mars og fram í miðjan maí né heldur frá miðjum september og til dagsins í dag.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …