Samfélagsmiðlar

Íslensk hótel mun verr nýtt en þau evrópsku í haust

Herbergjanýtingin á íslenskum hótelum var nokkuð undir meðaltalinu í Evrópu í september. Að mati sérfræðinga má búast við að tekjur á hvert hótelherbergi á næsta ári verði tugi prósenta frá því sem var í fyrra.

Áfram verða gististaðir að treysta á innanlandsmarkaðinn að mati sérfræðinga.

Hertari aðgerðir í Evrópu vegna útbreiðslu kórónaveirunnar hafa dregið úr ferðalögum innan álfunnar. Nú í haust hefur herbergjanýting á evrópskum hótelum því versnað þónokkuð frá því sem var seinni hluta sumars.

Þannig var nýtingin að jafnaði 35,1 prósent á evrópskum hótelum í lok fyrstu viku október samkvæmt úttekt STR Global. Í september var meðaltalið rétt undir fjörutíu prósentum í viku hverri. Það var þó töluverður munur milli landa.

Sum staðar var herbergjanýtingin komin í nærri fimmtíu prósent í september en lægst var hún í kringum tuttugu prósent. Stuðst er við tölur frá þrettán Evrópulöndum í úttekt STR Global og er Ísland ekki þar á meðal.

Nýjar tölur Hagstofunnar sýna aftur á móti að herbergjanýtingin á hótelum hér á landi var aðeins 16,2 prósent í september. Það er þá um helmingi verri nýting en var að jafnaði í Evrópu á sama tíma.

Óhætt er að fullyrða að fámennur heimamarkaður skýri að miklu leyti hvers vegna hlutfallið er svona lágt hér á landi. Sömuleiðis hefur krafan um að allir fari í sóttkví við komuna til landsins haft áhrif á tölurnar í haust. Sú regla var tekin upp þann 19. ágúst en þá voru takmarkanir á ferðum ekki eins strangar í fjölda Evrópulanda. Þar með gætu fleiri ferðamenn hafa verið á ferðinni þar í september en hér á landi.

Að mati sérfræðinga STR Global þá verða innanlandsferðalög áfram helsti markaðurinn fyrir hótelgeirann. Í spá fyrirtækisins er svo gert ráð fyrir að meðaltekjur á hvert herbergi verði um fjörutíu prósent lægri á næsta ári í samanburði við það sem var í fyrra. Og það er ekki fyrr en árið 2024 sem tekjur á hverja gistieiningu verða álíka og þær voru árið 2019.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …