Icelandair tilkynnti á aðfangadagskvöld að félagið hefði gengið frá samningi við írsku flugvélaleiguna Sky leasing um kaup á tveimur af þeim þremur Boeing MAX þotum sem félagið fær afhentar nú í vor. Icelandair leigir svo flugvélarnar til baka af Sky Leasing og gildir leigusamningurinn til næstu 12 ára.
Árið 2022 eiga þrjár MAX þotur í viðbót að bætast í flota Icelandair. Að sögn Ásdísar Pétursdóttur, upplýsingafulltrúa flugfélagsins, þá hefur ekki verið tekin ákvörðun um fyrirkömulag á fjármögnun á þessum þremur þotum.
Í því samhengi má rifja upp að Icelandair hefur átt Boeing 757 og Boeing 767 þotur sínar sjálft. Og það var stefna félagsins á sínum tíma að eiga meirihluta MAX þotanna.
Í dag er staðan hins vegar sú að félagið hefur selt og endurleigt sjö af þeim tólf MAX þotum sem félagið fær frá Boeing. Tvær flugvélar voru keyptar á rekstrarleigu og sem fyrr segir liggur ekki fyrir hvernig síðustu þrjá þoturnar verða fjármagnaðar.
