Samfélagsmiðlar

Icelandair: Við kjósum að vera bjartsýn

Sumaráætlun Icelandair byggir á tíðum ferðum til Norður-Ameríku og Evrópu en ennþá liggur ekki fyrir hvernig ferðalögum milli heimsálfa verður háttað. Upplýsingafulltrúi flugfélagsins segir of snemmt að segja til um hvort fækka þurfi ferðum í sumaráætluninni.

Þota Icelandair við flugstöðina í Denver en þangað ráðgerir félagið að fljúga daglega næsta sumar.

Í eðlilegu árferði þá væru ófáir nú þegar búnir að bóka ferðalög út í heim fyrir vorið og sumarið. Næstu vikur myndu svo streyma inn pantanir til flugfélaga og ferðaskrifstofa fyrir komandi vertíð. Núna er ástandið hins vegar þannig að það liggur ekki fyrir hvenær heimsbyggðin kemst á ferðina á ný þó bólusetningar fyrir Covid-19 séu komnar á dagskrá.

Vestanhafs vara sóttvarnaryfirvöld við því að næstu mánuðir verði erfiðir og það verði fyrst í júní sem búið verði að bólusetja bandarísku þjóðina. Á sama tíma hefur forstjóri Delta flugfélagsins sagt að líklega verði gerð krafa um að allir farþegar í alþjóðaflugi hafi verið bólusettir.

Óvissan um hvernig ferðalögum verður háttað á næstu misserum og sérstaklega þegar kemur að flugi milli heimsálfa er því mikil. Rekstur Icelandair, líkt og fleiri flugfélaga, byggir hins vegar á farþegaflugi yfir Norður-Atlantshafið.

Sá farþegahópur gerir Icelandair kleift að halda úti tíðum ferðum til fjölda margra áfangastaða. Markaðurinn fyrir flug til og frá Íslandi er einfaldlega of lítill fyrir tvær til þrjár ferðir á dag til Kaupmannahafnar, New York, Boston, Amsterdam og Parísar.

Aðspurð segir Ásdís Pétursdóttir, upplýsingafulltrúi Icelandair, það vera of snemmt að segja til um hvort skera þurfi niður hluta af sumaráætlun félagsins. Hún bendir á að hlutirnir geti breyst hratt og því erfitt að spá.

„Við erum að sjá jákvæð bókunartrend fram í tímann. Fólk er þó að taka endanlegar ákvarðanir um ferðalög með miklu styttri fyrirvara en áður vegna óvissunnar þannig að það er ekki hægt að styðjast við hefðbundin bókunarmynstur á þessum tímum. Við kjósum að vera bjartsýn og munum reyna að hámarka sveigjanleika okkar til að þjónusta alla þá eftirspurn sem verður næsta sumar enda mikið undir að geta komið hratt til baka um leið og ástandið batnar,“ segir Ásdís.

Næsta sumar gerir sumaráætlun Icelandair ráð fyrir allt að áttatíu ferðum í viku til Bandaríkjanna og Kanada og ríflega tvöfalt fleiri til Evrópu.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …