Samfélagsmiðlar

Verður bólusetning forsenda þess að mega ferðast?

Ísland er eitt þeirra landa sem gæti gert kröfu um að ferðamenn verði að vera bólusettir að mati sérfræðings Lonely Planet.

Ferðamenn við Námaskarð.

Þó bóluefni vegna Covid-19 séu handan við hornið þá liggur ekki fyrir hversu fljótt fjölmenn ríki ná að bólusetja þegna sína. Þannig varaði yfirmaður sóttvarnastofnunar Bandaríkjanna við því í vikunni að næstu mánuðir verði erfiðir þar sem bið yrði eftir því að áhrifa bólusetninga fari að gæta. Í Svíþjóð, þar sem íbúafjöldinn er aðeins tíu milljónir, búast stjórnvöld fyrst við að ljúka bólusetningum næsta sumar.

Hér á landi ætti ferlið að taka mun skemmri tíma líkt og fram kom í ræðu Svandísar Svavarsdóttur, heilbrigðisráðherra, á Alþingi á fimmtudaginn. Hún bæti því þó við að fara yrði að öllu með gát fram á næsta sumar.

Það er því ekki í hendi að heimsbyggðin komist á ferðina á næstu mánuðum og í nýrri grein á vef ferðaritsins Lonely Planet er því velt upp hvort aðeins þeir sem eru bólusettir fái að ferðast milli landa á næsta misserum.

Sérstaklega gætu kröfurnar verið strangar í löndum þar sem betur hefur tekist að hefta útbreiðslu Covid-19 en víða annars staðar að mati sérfræðings sem Lonely Planet ræðir við. Sá nefnir einmitt Ísland sem eitt þeirra landa sem gætu gert þess háttar kröfur. En einnig lönd eins og Kína, Ástralía og Nýja-Sjáland.

Ennþá hafa hvorki ráðamenn í þessum löndum né öðrum viðrað þess háttar reglur og aðeins stjórnendur ástralska flugfélagsins Qantas hafa gefið út að farþegar félagsins verði beðnir um sönnun fyrir Covid-19 bólusetningu.

Það er því of snemmt að segja til um hvort það verði aðallega íbúar fámennra landa sem komast í utanlandsferðir á næsta ári á meðan þegnar fjölmennra ríkja þurfi, annað sumarið í röð, að ferðast innanlands.

Þessi grein er öllum opin en flestar ferðafréttir Túrista eru aðeins fyrir áskrifendur. Hér getur þú keypt áskrift.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …