Samfélagsmiðlar

Segir það undantekningu að Landsbankinn verði hluthafi í kjölfar greiðsluerfiðleika

Hluti af fjárhagslegri endurskipulagningu Keahótelanna byggir á því að Landsbankinn, sem eru í eigu ríkisins, eignast þriðjungs hlut í hótelkeðjunni. Í tilkynningu frá eigendum Keahótelanna segir að hluti skulda hafi verið breytt í hlutafé og að núverandi eigendahópur komi með umtalsvert nýtt fé inn í reksturinn.

Spurður hvort sambærileg lausn sé í boði fyrir fleiri ferðaþjónustufyrirtæki þá segir Rúnar Pálmason, upplýsingafulltrúi Landsbankans, að viðskiptavinum hafi verið boðin ýmis úrræði til að takast á við efnahagslegar afleiðingar Covid-19 faraldurins.

„Hvað fyrirtæki sem lenda í greiðsluerfiðleikum varðar, þá er hvert mál fyrir sig skoðað vandlega. Stefna okkar er að vinna með fyrirtækjum að því að leysa úr málum, þar sem því verður við komið. Þá skiptir miklu máli að forsendur séu til að ætla að reksturinn geti staðið undir sér þegar efnahagslegar aðstæður batna. Það heyrir til undantekninga að bankinn eignist hlut í fyrirtæki í kjölfar greiðsluerfiðleika. Við mat á hvort slíkt komi til greina er horft til ýmissa þátta og sérstaklega stuðnings hluthafa við endurskipulagninguna,“ bætir Rúnar við.

Móðurfélag Keahótelann er fjárfestingafélagið K Acquisitions ehf. en að baki því félagið standa bandaríska fasteignafélagið JL Properties, bandaríska eignastýringarfyrirtækið Pt Capital Advisors og íslenska fjárfestingarfélagið Tröllahvönn. Þessi hópur tók við fyrirtækinu síðla sumars 2017 en Tröllahvönn átti fyrir hlut í hótelkeðjunni.

Líkt og Túristi fjallaði um á sínum tíma þá sýndu erlend hótelfyrirtæki Keahótelunum áhuga í sölurferlinu árið 2017. Verðhugmyndir þessara fyrirtækja voru þó nokkru lægri en bandarísku fjárfestanna.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …