Samfélagsmiðlar

Flugstjórar hjá Icelandair og flugöryggisstjóri Play stofna þjálfunarfyrirtæki

Stofnendur Focus Aero Solutions.

Nú í byrjun árs fékk þjálfunarfyrirtækið Focus Aero Solutions leyfi frá Samgöngustofu fyrir þjálfun flugáhafna. Um er að ræða svokallað ATO leyfi en síðast var þess háttar leyfi gefið út af Samgöngustofu árið 2016 samkvæmt því sem segir í tilkynningu.

Þar með verður fyrirtækið það sjöunda hér á landi sem fær samþykki fyrir þjálfun flugvéla á borð við Boeing 737, 757 og 767. Forráðamenn félagsins hafi uppi áform um réttindi til þjálfunar á fleiri gerðir Boeing þota og einnig á Airbus þotur.

„Focus sérhæfir sig í þjálfun flugmanna í gagnadrifinni flugþjálfun (Evidence Based Training, EBT). Sú aðferð hefur rutt sér til rúms í flugheiminum og innleidd af Alþjóðaflugmálastofnuninni (ICAO) og Flugöryggisstofnun Evrópu (EASA) þó tiltölulega fá flugfélög nýti sér aðferðina. Nýjung sem þessi í þjálfun áhafna felst í áherslum sem eru sérsniðnar að skilgreindum veikleikum og styrkleikum hvers flugfélags fyrir sig. Þar að auki mun Focus bjóða upp á lausnir til hagræðingar sem stuðla að auknu öryggi í gegnum regluvörslu og þjálfun starfsmanna flugfélaga innanlands sem utan,“ segir í tilkynningu.

Focus Aero Solutions var stofnað af Margréti Hrefnu Pétursdóttur, flugöryggis- og gæðastjóra hjá Play og þremur flugstjórum Icleandair. Þeim Arnari Jökli Agnarssyni, Arnari Má Baldvinssyni og Kára Kárasyni.

„Starfsmenn Focus búa yfir viðamikilli þekkingu og reynslu á sviði flugsins og hafa verið í flugtengdum þjálfunar- og rekstarhlutverkum áhafna undanfarin 15 til 20 ár hjá flugfélögum á borð við Air Atlanta, Ryanair, Icelandair, Wow air og Bláfugli. Starfmenn Focus hafa einnig gengt hlutverkum innan Samgöngustofu, Flugmálastjórn Íslands og Alþjóðlegum samtökum flugfélaga (IATA),“ segir að lokum í tilkynningu.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …