Samfélagsmiðlar

Þurfa að undirbjóða önnur flugfélög

Rekstur Icelandair var síðast réttum megin við núllið árið 2017. Meginskýringin liggur í því að félagið er ekki samkeppnishæft vegna hás kostnaðar segir fyrrum forstöðumaður hjá flugfélaginu.

„Við erum einfaldlega verðtakar á þessum markaði eins og staðan er núna, þar sem við erum svo lítil í alþjóðasamhengi, og við þurfum að fylgja öðrum og það er mjög þungbært fyrir félag með okkar strúktúr,“ útskýrði Birna Ósk Einarsdóttir, framkvæmdastjóri sölu- og markaðssviðs Icelandair Group, í viðtali við Viðskiptablaðið haustið 2019.

Á þessa viðkvæmu stöðu Icelandair, sérstaklega í keppni um farþega á leið yfir Norður-Atlantshafið, bendir einnig Egill Almar Ágústsson, fyrrverandi forstöðumaður leiðakerfis Icelandair, á í aðsendri grein í Viðskiptablaðinu í síðustu viku.

Þar fullyrðir hann að flestir farþegar, á leið milli Norður-Ameríku og Evrópu, velji Icelandair vegna þess að fargjaldið er lægra en býðst í beinu flugi.

„Icelandair hefur litla stjórn á því hvaða verði það selur miða til tengifarþega því það þarf að undirbjóða flesta aðra á markaðinum,“ segir Egill Almar.

Hann rekur einnig í viðtalinu að stjórnendur Icelandair hafi síðustu ár gert áætlanir um að fargjöld ættu að hækka umfram það sem var að gerast hjá samkeppninni. Þær hafi þó ekki gengið eftir og þá hafi skuldinni verið skellt á endurskipulagningu sölumála félagsins, ódýr fargjöld keppinautanna og á viðbætur við leiðakerfið.

Egill Almar, sem fór fyrir leiðakerfi Icelandair hluta af þessu umrædda tímabili, bendir aftur á móti á að tekjurnar hafi staðið í stað en ekki lækkað. Það sama verði þó ekki sagt um kostnaðinn sem hafi hækkað um sautján af hundraði og nýafstaðin endurskipulagning rekstrarins skili ekki nægilega mikilli lækkun til að gera félaginu kleift að standa sig í samkeppninni næstu ár.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …