Samfélagsmiðlar

Getur sparað tíma og pening að bóka ekki innanlands- og millilandaflug saman

Nú heyrir áætlunarflug Air Iceland Connect undir Icelandair og því hægt að bóka flug á heimasíðu flugfélagsins frá Akureyri, Egilsstöðum, Ísafirði og Vestmannaeyjum og þaðan út í heim.

Sá hængur er á að íbúar landsbyggðarinnar ná ekki morgunfluginu út í heim og úrval af Evrópuflugi seinni partinn er lítið. Vegna þeirra takmarkanna þá leggur leitarvél Icelandair oft til ferðalag með tveimur millilendingum. Önnur þeirra er reyndar ekki bara millilending því farþegarnir þurfa auðvitað að koma sér á milli Reykjavíkurflugvallar og Keflavíkurflugvallar.

Það flækjustig losna þeir ekki við sem fljúga með Icelandair innanlands en svo með erlendu flugfélagi til útlanda. Aftur á móti getur sá hópur sparað sér tíma og jafnvel tugir þúsunda króna.

Tökum tvö dæmi:

Egilsstaðir-Frankfurt, 24. jún til 1. júlí

Icelandair leggur til: Frá Egilsstöðum klukkan níu að fimmtudagsmorgni og lent í Reykjavík klukkustund síðar. Frá Keflavík svo flogið klukkan 15:55 og lent hálf tíu um kvöld í Frankfurt. Heimferðin kallar á millilendingu í Amsterdam.

Fargjaldið. 96.680 kr. og ferðatími (báðar leiðir) 20,5 klukkutími.

Einfaldari og ódýrari leið: Frá Egilsstöðum klukkan 9 en í stað þess að bíða til klukkan fjögur eftir vél Icelandair þá er flogið með Lufthansa kl. 13:35. Lent um kvöldmatarleytið í Þýskalandi. Á heimleiðinni flogið frá Frankfurt 10:30 og seinni vélin er svo komin til Egilsstaða 19:35

Fargjaldið: 74.155 kr. og ferðlagið (báðar leiðir) tekur samtals um 16 klst.

Akureyri-New York, 9. til 17.júlí

Icelandair leggur til: Frá Akureyri í hádeginu þann níunda og brottför frá Keflavíkurflugvelli sjö klukkustundum síðar. Heimferðin gerir ráð fyrir 6 klukkustundum frá komunni til Keflavíkurflugvallar og þar til flogið verður frá Reykjavík til Akureyrar.

Fargjaldið: 79.850 kr. og ferðalagið (báðar leiðir) samtals 23 klst.

Einfaldir og ódýrari leið: Frá Akureyri 8:25 á föstudagsmorgni. Beint út á Keflavíkurflugvöll við komuna til höfuðborgarinnar til að ná þotu United til New York kl. 11:40. Á heimleiðinni er biðin milli flugferða líka styttri eða fjórir tímar.

Fargjaldið 67.250 kr. og ferðalagið (báðar leiðir) 19,5 klst.

Verðmunurinn getur verið miklu meiri ef flogið er með lággjaldaflugfélagi frá Keflavíkurflugvelli. Og sérstaklega ef viðkomandi er aðeins að leita að miða aðra leiðina.

Það sem stendur þessari nýju þjónustu Icelandair fyrir þrifum er auðvitað að farþeginn þarf að fara milli Reykjavíkur- og Keflavíkurflugvallar. Úrval af Evrópuflugi er líka langmest hjá Icelandair í morgunsárið sem fyrr segir. Á sama tíma eru ferðirnar frá Ísafirði og Vestmannaeyjum fáar sem takmarkar sannarlega úrval af ferðum sem íbúum þessara bæja standa til boða frá Keflavíkurflugvelli sama dag og haldið er úr heimabyggð.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …