Samfélagsmiðlar

Nýrri og minni þotur og færri sæti á fremsta farrými

Forstjóri Lufthansa telur ljóst að eftirspurn eftir sætum á viðskiptafarrými í flugi félagsins til Norður-Ameríku dragist saman. Öðru máli gegnir um flugið til Asíu.

Breiðþotum í flugflota Lufthansa fer nú fækkandi.

Nú þegar miklu færri eru á ferðinni en áður og ferðalög milli heimsálfa liggja nærri niðri þá nýta flugfélög í auknum mæli minni flugvélar en áður. Þetta sýnir samantekt greinenda OAG en samkvæmt henni hefur hlutfall Airbus A319, A320 og A321 þota aukist í háloftunum og sama má segja um Boeing 737 þotur. Á sama tíma eru flugfélög að leggja stórum breiðþotum eins og Airbus A380 og Boeing 767.

Í greiningu OAG segir að nú setji flugfélög í forgang að fljúga eyðslugrönnum flugvélum og leggi í staðinn þeim eldri fyrr en áður hafi verið gert ráð fyrir.

Það eru þó ekki bara þoturnar sem breytast því skipulagið í farþegarýminu tekur nú líka breytingum. Þar sjá sum flugfélög fram á að fækka stóru sætunum fremst í flugvélunum því eftirspurn eftir þeim dregst líklega saman.

Forstjóri Lufthansa Group, Carsten Spohr, telur sig alla vega sjá þá þróun í kortunum. Af þeim sökum er unnið að því innan þýsku samsteypunnar að minnka viðskiptafarrýmið í flugflota félagsins en fjölga í staðinn þeim sætum í almennu farrými þar sem fótaplássið er aðeins meira, svokallað Economy Premium farrými. Þetta á helst við um flugvélarnar sem nýttar eru í flug innan Evrópu og til Norður-Ameríku. Forstjóri Lufthansa segir í viðtali við Aerotelegraph að gera megi ráð fyrir að fjöldi viðskiptafarþega á þessum svæðum nái ekki sömu hæðum og fyrir heimsfaraldur. Hann er hins vegar bjartsýnni á að markaðurinn í Asíu verði sterkur áfram.

Flugfloti Lufthansa mun líka taka breytingum á næstu árum því félagið vinnur nú að því að breyta pöntunum sínum hjá Airbus og Boeing á breiðþotum í minni flugvélar.

Þess má geta að Icelandair hafði um árabil á boðstólum Economy Premium farrými en það var lagt niður.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …