Samfélagsmiðlar

Liggur ekki fyrir hvernig flugáætlunin verður í júní

Þota Icelandair í Denver en þangað stefnir félagið á að fljúga á ný í maí.

Á morgun, 1. maí, hefst áætlunarflug Icelandair til Tenerife og félagið tekur upp þráðinn í áætlunarflugi til fimm bandarískra borga síðar mánuðinum. Flugáætlun Icelandair í júní gerir svo ráð fyrir ennþá fleiri viðbótum og tíðari ferðum til flestra borga. Miðað við aðstæður má ljóst vera að framboðið er of mikið líkt og Túristi fjallaði um í fyrradag.

Spurður um áformin þá sagði Bogi Nils Bogason, forstjóri Icelandair, á afkomufundi flugfélagsins í morgun, að áætlunin sem væri í sölu væri metnaðarfull. Það væri gert til að mæta eftirspurn á þeim mörkuðum sem verða tilbúnir til að ferðast.

„Við vitum ekki hver staðan verður á hverjum markaði en reynum að gera ekki miklar breytingar á áætluninni sex vikur fram í tímann. Tíu til tuttugu dögum fyrir brottför þurfum við stundum að breyta áætluninni vegna þess að bókunarstaðan er ekki nógu góð. Þannig erum við að stýra þessu, við verðum að vera kvik og sveigjanleg. Þannig að hvernig við munum fljúga í júnímánuði liggur ekki fyrir,“ útskýrði Bogi á fundinum. En það var Túristi sem lagði fram spurninguna.

Bogi bætti því við að horft væri til þess að truflanir yrðu sem minnstar fyrir viðskiptavinina en þetta væru aðstæðurnar sem verið væri að vinna við.

„Þetta hefur gengið vel á þessu ári og við teljum að við getum stýrt þessu vel áfram. En þetta er flókið verkefni í þessari stöðu.“

Samkvæmt talningu Túrista er Icelandair með rúmlega tvö hundruð brottfarir á viku á boðstólum nú í júní. Til samanburðar voru þær tæplega tvöfalt fleiri í júní árið 2019.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …