Samfélagsmiðlar

Flugfreyjur og -þjónar eru ekki flugliðar

Hér eru tveir flugverjar að störfum en flugliðarnir um borð sitja við stýrið.

Í hinum umtalaða kjarasamningi Play flugfélagsins við Íslenska flugstéttafélagið, um kaup og skyldur flugfreyja og flugþjóna, er ávallt talað um samning við flugliða.

Þar segir meðal annars í inngangi að „verkefni flugliða eru fyrst og fremst að gæta öryggis farþega Play en einnig að inna af hendi þau störf, sem nauðsynleg eru til þess að sem best megi fara um farþegana og gera þeim ferðina sem ánægjulegasta. Flugliðar annast alla framreiðslu og sölu varnings í flugvélum Play.“

Í þessari klausu er í raun verið að skylda flugstjóra og flugmenn Play til að sjá um þjónustu um borð. Því samkvæmt reglugerð Flugmálastjórnar, nú Samgöngustofu, þá er flugliði sá sem er handhafi „fullgilds skírteinis og falið er starf sem nauðsynlegt er við stjórn og starfrækslu loftfars meðan á fartíma stendur.“

Í Íslenskri nútímaorðabók segir jafnframt að flugliði sé „maður með réttindi til að gegna starfi í stjórnklefa flugvélar og hefur flugliðaskírteini.“

Orðabókin mælist til þess að orðið flugverji, samanber skipverji, sé notað um bæði flugliða og öryggis- og þjónustuliða. Síðarnefnda heitið á þá við um flugfreyjur – og þjóna. Það má því ljóst vera að í hinum umdeilda kjarasamningi er rangt íslenskt heiti notað yfir þann hóp starfsmanna sem samningurinn nær til.

Til að gæta allrar sanngirni þá er mjög algengt að orðið flugliði sé notað um flugfreyjur. Um það eru fjöldamörg dæmi í íslenskum fjölmiðlum og sérstaklega síðustu daga í tengslum við samningi Play við flugfreyjur og -þjóna.

Og þau 12 ár sem Túristi hefur komið út þá hefur undirritaður reglulega notað orðið flugliði yfir flugfreyjur- og þjóna. Því verður hætt hér með.

Þess má geta í lokin að orðið flugliði kemur ekki fyrir í kjarasamningi Icelandair við Flugfreyjufélag Íslands.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …