Samfélagsmiðlar

Rukka margfalt meira fyrir flugið héðan Varsjár en til Mílanó, Vínar og London

Wizz Air er eitt um flug milli Íslands og Varsjár og fargjöldin næstu vikur bera þess merki að margir ætli að fljúga þar á milli.

Nú í vetur hefur áætlunarflug ungverska flugfélagsins Wizz Air til Íslands takmarkast við ferðir frá Varsjá. Flugfélagið setur aftur á móti stefnuna á að hefja á ný flug hingað frá tíu öðrum evrópskum borgum í sumar. Þar af eru vinsælir áfangastaðir ferðamanna eins og London, Mílanó og Vín.

Verð á farmiðum með Wizz Air þangað eru hins vegar miklu lægra en þegar kemur að fluginu til Chopin flugvallar í Varsjá.

Þetta er mjög áberandi þegar fargjöldin í næsta mánuði eru skoðuð. Þá kostar farmiði, aðra leiðina, frá Keflavíkurflugvell til Varsjá á bilinu 120 til 210 evrur. Það jafngildir 18.200 til 31.800 kr.

Aftur á móti er hægt að kaupa flugsæti til Vínarborgar í júní á 40 til 80 evrur (6.100 til 12.100 kr.). Ódýrustu miðarnir til Mílanó í júní kosta svo aðeins 25 evrur (3.800kr) en þeir dýrustu fjórfalt meira.

Verðið á flugmiðum með Wizz Air til Luton flugvallar, í útjaðri London, er líka töluvert undir því sem félagið rukkar fyrir flugið til Varsjár. Til Luton má komast fyrir 50 til 70 evrur eða 7.600 til 10.600 krónur í júní.

Það er sem sagt miklu dýrara að fljúga til höfuðborgar en til fyrrnefndra þriggja stórborga.

Megin skýringin á þessum mikla verðmun skrifast á eftirspurnina enda sveiflast verðskrá flugfélaga í takt við hana. Það eru einfaldlega miklu fleiri sem hafa ákveðið að ferðast milli Íslands og Póllands á næstunni en að fljúga hingað frá Mílanó, London og Vínarborg.

Það sést líka á verði farmiða Wizz Air frá Íslandi til pólsku borganna Katowice, Gdansk og Wroclaw. Það er mun hærra en til borganna sem eru vestar í Evrópu.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …