Samfélagsmiðlar

Fjórðungi fleiri ferðir bókaðar

Hjónin Kristín Björnsdóttir og Erling Aspelund stofnuðu Iceland Encounter árið 2009.

Stærsti kúnnahópur Iceland Encounter eru efnamiklir Bandaríkjamenn og nú í maí framkvæmdi ferðaskrifstofan nokkrar ferðir. Upp úr miðjum júní eykst straumurinn og júlí og ágúst líta vel út segir Erling Aspelund framkvæmdastjóri og meðeigandi Iceland Encounter.

„Leiðsögumönnum okkar er allsstaðar tekið fagnandi og algengt að starfsfólk í móttöku segist ekki hafa séð leiðsögumann síðan í fyrra. Þetta eru því vorboðar ljúfir,” segir Erling um byrjunin á sumarvertíðinni.

„Það er góður gangur á sölunni hjá okkur. Staðfestar pantanir í apríl og maí, á ferðum sem farnar verða síðar á árinu, eru um fjórðungi fleiri en á sama tíma árið 2019. Aukning í fjölda fyrirspurna er ennþá meiri en margir ferðalangar eru ennþá hikandi, bæði vegna sýnatöku á landamærunum og annarra þátta. Þessar fyrirspurnir verða vonandi að pöntunum síðar,” bætir Erling við.

Hann segir það líka greinilegt að þeir sem ætla að koma til Íslands í sumar bóki lengri og dýrari ferðir.

„Bestu hótelin eru því þegar farin að vera þéttbókuð frá lokum júní og fram í ágúst. Meðal dvalartíminn var venjulega fimm til sex dagar en er núna sjö til átta.”

Sem fyrr segir þá hefur bandaríski markaðurinn verið kjarninn í kúnnahópi Iceland Encounter. Og þaðan koma flestar fyrirspurnir að sögn Erlings. Hann segir breska markaðinn að lifna við en ennþá séu evrópskar ferðaskrifstofur mjög hikandi með að bóka.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …