Samfélagsmiðlar

Fargjöldin hjá Icelandair og United fara í sitthvora áttina

Áhöfn United Airlines í fyrstu ferð félagsins hingað til lands frá Chicago í gær.

United Airlines hóf að fljúga til Íslands frá Chicago í gær og varð þar með fyrsta bandaríska flugfélagið sem býður upp á áætlunarflug hingað frá borginni.

Með þessari viðbót fær Icelandair samkeppni í Íslandsflugi frá Chicago og óhætt er að segja að fargjöld keppinautanna þróist með ólíkum hætti nú í sumar.

Næstu tvær vikur kosta ódýrustu miðarnir hjá Icelandair í kringum 100 þúsund krónur en oftast í kringum sextíu þúsund krónur hjá United á sama tíma.

Seinni hlutann í júlí og í ágúst snýst taflið við. Þá finnast varla svona ódýrir miðar hjá United og algengast að fólk þurfi að borga hátt í tvö hundruð þúsund krónur fyrir flug til Íslands frá Chicago. Aftur á móti eru fargjöld Icelandair þá á bilinu 65 til 92 þúsund krónur í langflestum tilfellum.

Ein skýring á verðþróuninni liggur í framboðinu. United gerir nefnilega ráð fyrir daglegum ferðum frá Chicago til Íslands í allt sumar á meðan ferðir Icelandair nú í júlí verða færri.

Einnig verður að hafa í huga að forsendurnar fyrir áætlunarflugi Icelandair og United til og frá Chicago eru mismunandi. United fókusar eingöngu á að fá bandaríska ferðamenn þegar kemur að markaðssetningu á sínum Íslandsflugi, bæði frá Chicago og New York.

Farþegar á leið milli Evrópu og Norður-Ameríku, sem millilenda á Keflavíkurflugvelli, skipuðu hins vegar rúmlega annað hvert sæti í þotum Icelandair sem flugu til og frá Chicago fyrir Covid-19 heimsfaraldurinn. Þessi kúnnahópur er hins vegar ennþá fjarri góðu gamni því landamæri Bandaríkjanna og Kanada eru ennþá aðeins opin fyrir íbúum landanna tveggja.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …